Ռոհանի. Իրանն ու Թուրքիան տարածաշրջանում կայունության սյուներն են

Իրանը և Թուրքիան տարածաշրջանում կայունության սյուներն են: Այդ մասին հայտարարել է Իրանի նախագահ Հասան Ռոհանին՝ ողջունելով Թեհրանի և Անկարայի միջև պաշտպանական համագործակցության ակտիվացումը, հայտնում է IRNA գործակալությունը:

Նշելով Թուրքիայի հետ հարաբերությունների զարգացումը՝ Ռոհանին Թուրքիայի զինված ուժերի գլխավոր շտաբի պետ Հուլուսի Աքարի հետ հանդիպմանը հայտարարել է. «Այսօր երկու երկրների քաղաքական, տնտեսական և միջազգային կապերը բավարար մակարդակի վրա են, մենք պետք է ձգտենք մեր ռազմական և պաշտպանական հարաբերությունների ընդլայնմանը՝ այլ ուղղություններին զուգահեռ»:

Նախագահ Ռոհանին հաստատել է ահաբեկչության դեմ պայքարի և աշխարհագրական սահմանների պաշտպանության անհրաժեշտությունը՝ որպես Իրանի և Թուրքիայի միջև փոխադարձ համագործակցության կարևորագույն նպատակ։ Նա հավելել է, որ Իրանը և Թուրքիան, որպես երկու կարևոր և ազդեցիկ երկրներ, տարածաշրջանի կայունության ապահովման համար կարող են ավելի արդյունավետ դեր խաղալ տարածաշրջանային խնդիրների և ճգնաժամերի կարգավորման հարցում:

Ռոհանին ընդգծել է նաև Իրաքում և Սիրիայում կենտրոնական կառավարությունների ամրապնդման համար ջանքեր կիրառելու անհրաժեշտությունը՝ տարածքային ամբողջականության պահպանման, ահաբեկչության դեմ պայքարի, տարածաշրջանում կայունության վերականգնման և աշխարհագրական սահմաններում փոփոխություններ թույլ չտալու նպատակով:

«Աշխարհագրական սահմանների երկայնքով կայունության ցանկացած բացակայություն կբերի տարածաշրջանում անվտանգության բացակայության և անկայունության տարածման»,- հավելել է նա:

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում