Լիբանանցի կին մայորը հեռացվել է աշխատանքից՝ ֆեյսբուքյան լայքի պատճառով
Լիբանանի Ներքին անվտանգության ուժերի ծառայող, մայոր Սուզան Ալ Հաժը հեռացվել է աշխատանքից՝ Ֆեյսբուքում մի գրառման տակ իր դրած like-ի պատճառով: Այս մասին տեղեկությունը փոխանցում է «Ալ Ժատիտ» կայանը, նշելով, որ որոշումն ընդունել է երկրի պետական ապահովության ընդհանուր ղեկավարությունը:
Սուզան Ալ-Հաժը, որ համակարգում վարում էր «Համացանցի վերահսկողության գրասենյակի» ղեկավարի պաշտոնը, արձագանքելով որոշմանը, նշել է, որ իր հավանումը անուշադրության արդյունք է եղել, եւ ինքը ժամեր անց հանել է այն: Բայց հավանումը աղմուկ է հանել, քանի որ տասնյակ օգտատերեր snapshot-ով այն տարածել են այլ սոցիալական ցանցերում:
Կին ոստիկանը հավանել էր լիբանանցի հայտնի ռեժիսոր Շարբել Խալիլի այն գրառումը, որով վերջինս հեգնում էր Սաուդյան Արաբիայի իշխանության կողմից կանանց տրված վարորդական իրավունքը, գրելով. «Սաուդցի կանանց իրավունք է տրված վարել միայն ականներով զինված ավտոմեքենաներ»:
Ընդդիմադիր մամուլը նշում է, որ իրականում հեռացման պատճառը Սուզան Ալ- Հաժի եւ պետական անվտանգության կառույցի ընդհանուր ղեկավար Իմադ Օսմանի միջեւ լարված հարաբերություններն են. կին մայորը համակարգում փոփոխություններ է արել եւ հասել հաջողությունների ու ճանաչման, ինչը դուր չի եկել ղեկավարությանը: Մամուլը Սյուզան Ալ-Հաժի հեռացման որոշումն անարդարացի է որակել:
Աղբյուրը` Arevelk.am
Հայաստանում ԱՄՆ դեսպանատունը զգուշացնում է
Ֆինն Գերագուսյանը նշեց իր նորամուտը Հայաստանի հավաքականի կազմում
ԵՄ-ն սցենարներ է դիտարկում Օրբանի հավանական հաղթանակի դեպքում
Տիբո Կուրտուայի վնասվածքն ավելի լուրջ է, քան կանխատեսվում էր
ԱՄՆ-ն հարվածել է խոշոր զինամթերքի պահեստի
Արաղչին առաջարկել է տարածաշրջանից հեռացնել ամերիկյան զորքերը
Երևանում Թիկնիզյանի խաղին հետևել է Սպարտակի ներկայացուցիչը
«Վարչաբենդի» համերգը տեղի կունենա ապրիլի 4-ին՝ ժամը 20.00-ին
Մի խաբեք մարդկանց. Արցախը վերադարձնելու հարցում մենք որեւէ դաշնակից չունենք
Այսօրվանից վերսկսվում են Կապան-Երևան-Կապան թռիչքները․ Խուդաթյան