Սաուդյան Արաբիայի գահաժառանգ արքայազնը Խաշոգջիի սպանության աղմուկից հետո առաջին անգամ այցելել է Թուրքիա
Սաուդյան Արաբիայի գահաժառանգ արքայազն Մուհամմեդ բեն Սալմանը ժամանել է Թուրքիայի մայրաքաղաք Անկարա, որը 2018 թվականին Ստամբուլում թագավորության հյուպատոսությունում լրագրող Ջամալ Խաշոգջիի սպանությունից հետո առաջին այցն է այս երկիր, հայտնում է CNN-ը։
Այնուհետեւ բանակցություններ են սկսվել դեմ առ դեմ եւ ընդլայնված ձեւաչափով, հայտնում է Anadolu-ն։
Ուղեւորությունը տեղի է ունենում այն ժամանակ, երբ Արեւմուտքը եւ ամբողջ Մերձավոր Արեւելքը ձգտում են վերականգել հարաբերությունները Էր Ռիադի հետ՝ փորձելով մեղմել համավարակի հետեւանքով առաջացած ֆինանսական լարվածությունը եւ Ուկրաինայի շուրջ ստեղծված իրավիճակի պատճառով էներգակիրների գների աճը:
Ապրիլին Էրդողանը Սաուդյան Արաբիայի Ջիդդա քաղաքում հանդիպել էր գահաժառանգ արքայազնի հետ՝ վերջ տալով երկու երկրների միջեւ երկար տարիների դիվանագիտական հակասությանը:
Թագաժառանգը Սաուդյան Արաբիայի փաստացի կառավարիչն է։ Խաշոգջիի սպանության հետ կապված պատմությունը սրել է Էր-Ռիադի հարաբերությունները շատ արեւմտյան երկրների եւ, մասնավորապես, Թուրքիայի հետ։