Էրդողանը ցանկանում է Թուրքիա-Սերբիա-Բոսնիա եւ Հերցեգովինա գագաթաժողով անցկացնել
Թուրքիայի նախագահ Թայիփ Էրդողանը ցանկանում է Թուրքիա-Սերբիա-Բոսնիա եւ Հերցեգովինա գագաթաժողով անցկացնել, Սերբիայի ղեկավար Ալեքսանդր Վուչիչը պատրաստակամություն է հայտնել, հայտարարել է Թուրքիայի արտգործնախարար Մեւլութ Չավուշօղլուն։
«Մեր առաջնորդը ցանկանում է հարմար ժամանակ Թուրքիա-Սերբիա-Բոսնիա եւ Հերցեգովինա գագաթաժողով անցկացնել։ Մեր շփումների ժամանակ նման պատրաստակամություն հայտնել է Սերբիայի առաջնորդ Ալեքսանդր Վուչիչը»,- շաբաթ օրը կայացած մամուլի ասուլիսում ասել է Չավուշօղլուն։
Բոսնիա եւ Հերցեգովինան Հարավսլավիայից անջատվելու մասին հայտարարել է 1992 թվականին, որից հետո հանրապետությունում պատերազմ է սկսվել բոսնիացի մահմեդականների, սերբերի եւ խորվաթների մասնակցությամբ, որը տեւել է մինչեւ 1995 թվականը։ Զոհերի ստույգ թիվը պաշտոնապես չի հաստատվել, տարբեր աղբյուրներ նշում են ավելի քան 100 000 մարդու մասին։ Միջազգային հանրության մասնակցությամբ ստորագրվել է Դեյտոնի խաղաղության համաձայնագիրը, ձեւավորվել են երեք կազմավորումներ՝ ԲՀ Դաշնություն, Սերբական Հանրապետություն եւ Բրչկո հատուկ շրջան։ Պետության գլխին երեք հոգուց բաղկացած նախագահություն է՝ մեկական ներկայացուցիչ սերբերից, խորվաթներից եւ բոսնիացիներից (բոսնիացի մահմեդականներից):
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Փեզեշքիանը և Մակրոնը քննարկել են Մերձավոր Արևելքում իրավիճակը
FoodexJapan սննդի և խմիչքների ցուցահանդես. հայկական գինեգործական ընկերությունները միասնական տաղավարո...