Խաղաղ բանակցությունների դեմ բողոքող հայկական ընդդիմությունը չի հասնի նպատակին. Ադրբեջանի ԱԽ քարտուղար
Հայ ժողովուրդը Փաշինյանին տվել է Ադրբեջանի հետ խաղաղության պայմանագիր կնքելու մանդատ։ Այս մտահանգումն է հնչեցրել Ադրբեջանի անվտանգության խորհրդի քարտուղար Ռամիլ Ուսուբովը պաշտոնական լրատվամիջոցների հարցազրույցում, տեղեկացրել է haqqin.az-ը։
Նրա կարծիքով՝ «Վերջին շաբաթներին Հայաստանի պաշտոնատար անձանց մասնակցությունը տարբեր բանավեճերին եւ սահմանազատման ու սահմանագծման բանակցություններին ցույց է տալիս, որ Երեւանում հասկանում են, որ զիջումների սահմանը սպառվել է»։
«Արհեստական պատնեշներ ստեղծող Հայաստանին այլ բան չի մնա անհիմն հավակնություններից հրաժարվելուց եւ տարածաշրջանային համագործակցությանը մասնակցել սկսելուց բացի։ Մյուս կողմից, երբ պարզ է դառնում, որ հայկական ընդդիմությունը, որը բողոքում է խաղաղության պայմանագրերի դեմ, չի հասնի իր նպատակին, նրան միացողների թիվը նվազում է։ Այդ հանրահավաքների մասնակիցների մեծ մասը բողոքում է միայն երկրի տխուր սոցիալական դրության դեմ։ Ըստ երեւույթին, հայկական հասարակությունը խաղաղության պայմանագրերի թե՛ցանկություն ունի, թե՛ աջակցում է դրանց։ Չպետք է մոռանալ, որ վերջին ընտրությունների ժամանակ հայ ժողովուրդը վստահություն է հայտնել կառավարող կուսակցությանը, որը հայտարարել է, որ բանակցություններ է սկսելու Ադրբեջանի հետ, ոչ թե ընդդիմությանը, որը ներկայացնում է «պատերազմի կուսակցությունը՝ ռազմական խունտան»։ Ժողովուրդը Փաշինյանին Ադրբեջանի հետ խաղաղության պայմանագրի կնքման մանդատ է տվել, այսինքն՝ հայ ժողովուրդը հոգնել է թշնամանքից եւ կայունություն է ցանկանում»,- ասել է Ուսուբովը։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները