Իրանի ԱԳՆ ղեկավարը ՄԱԿ-ի գլխավոր քարտուղարի հետ քննարկել է Վիեննայում ընթացող բանակցությունները
Թեեւ 2015թ․ Վիեննայում միջուկային համաձայնագրի վերականգնման շուրջ բանակցություններում Իրանի եւ ԱՄՆ-ի միջեւ կապը շարունակվում է Եվրամիության միջոցով, մեղավոր է Վաշինգտոնի «առավելագույն ճնշման սխալ քաղաքականությունը»։ Այս մասին հայտարարել է Իրանի արտգործնախարար Հոսեյն Ամիր Աբդոլլահիանը, հաղորդում է Tasnim-ը:
Ուրբաթ օրը կայացած հեռախոսազրույցի ընթացքում Իրանի արտգործնախարարը եւ ՄԱԿ-ի գլխավոր քարտուղար Անտոնիո Գուտերիշը քննարկել են մի շարք տարածաշրջանային եւ միջազգային զարգացումներ, ներառյալ՝ իրավիճակը Եմենում, Աֆղանստանում եւ Ուկրաինայում, ինչպես նաեւ Վիեննայի բանակցությունները Իրանի դեմ պատժամիջոցների վերացման շուրջ:
Խոսելով Վիեննայի բանակցություններում Իրանի եւ ԱՄՆ-ի միջեւ ԵՄ-ի միջոցով հաղորդագրությունների փոխանակման շարունակության մասին՝ Ամիր Աբդոլլահիանը ստեղծված իրավիճակի համար մեղադրել է ԱՄՆ առավելագույն ճնշման արշավը։
Նա «շատ մտահոգիչ» է որակել Աֆղանստանում անվտանգության եւ հումանիտար իրավիճակը եւ ընդգծել այդ երկրում ինքլյուզիվ կառավարության անհրաժեշտությունը՝ բոլոր էթնիկ խմբերի մասնակցությամբ։
Ամիր Աբդոլլահիանը նաեւ նշել է աֆղանստանցի փախստականների հոսքի մասին եւ պահանջել, որ ՄԱԿ-ը կատարի նրանց նկատմամբ իր պարտավորությունները։
Վերահաստատելով, որ Իրանը դեմ է ուկրաինական պատերազմին եւ անդրադառնալով Թեհրանի քաղաքական ջանքերին, նա նշել է, որ ուկրաինական ճգնաժամը չպետք է խոչընդոտի միջազգային հանրության՝ Աֆղանստանում հումանիտար աղետին ուղղված ուշադրությանը։
ՄԱԿ-ի գլխավոր քարտուղարը նշել է պատժամիջոցների վերացման վերաբերյալ Վիեննայի բանակցություններում քաղաքական նախաձեռնությունների կարեւորությունը՝ հույս հայտնելով, որ բանակցությունները կշարունակվեն եւ կհանգեցնեն ցանկալի արդյունքների։
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի