Երեկ եւ այսօր ՀՀ Խորհրդարանում հնչած հայտարարություններն ահաբեկության մեջ են գցել Արցախի ժողովրդին․ Գեղամ Ստեփանյան
Երեկ եւ այսօր ՀՀ Խորհրդարանում հնչած հայտարարությունները բառի բուն իմաստով ահաբեկության մեջ են գցել Արցախի ժողովրդին։ Այս մասին այսօր՝ ապրիլի 14-ին, Արցախի ԱԺ արտահերթ նիստին ելույթի ժամանակ ասաց «ԱԺԿ» խմբակցության քարտուղար Գեղամ Ստեփանյանը:
«Տպավորություն է, որ Արցախի ժողովրդին նստեցրել են դատապարտյալի աթոռին ու առանց փաստաբանի մեղադրանքներ են առաջադրում ու փորձում դատավճիռ կայացնել։ Մեղադրյալին անգամ թույլ չեն տալիս իր խոսքն ասել, իսկ մեղսագրվող արարքն այն է, որ ժողովուրդն ուզում է ապրել իր հայրենիքում։ Միջազգային բոլոր փաստաթղթերով մարդուն շնորհված իրավունքների ու ազատությունների հիման վրա»,- նշեց նա։
Ըստ պատգամավորի՝ երբեմն բացահայտ, երբեմն տողատակերում առկա իրողությունները ուղղակիորեն խոցում են պատերազմի, տեղահանության, անմարդկային զրկանքների միջով անցած հանրությանը.
«Որը անորոշությունների առերեսվելով՝ կառչել է այս մի բուռ մնացած Արցախին, եւ որեւէ գնով չի պատրաստվում այն լքել։ Երկու հայկական տարբեր կառույցների, այդ թվում՝ խորհրդարանների միջեւ համագործակցության բացակայությունն էլ, մեզ՝ Արցախի խորհրդարանականներիս, զրկել է հնարավորությունից՝ տեղեկանալու կատարվող զարգացումներին եւ ազդելու գործողությունների վրա։ Որպես երկրի բարձրագույն ներկայացուցչական մարմնի անդամ՝ ուղիղ եւ հրապարակային հարց եմ հնչեցնում ՀՀ իշխանություններին՝ վարչապետի գլխավորությամբ․ քաղաքական ճարտասանությունների եւ աճպարարությունների փոխարեն հստակ պատասխանեք՝ ի՞նչ է նշանակում Արցախի կարգավիճակի հարցում նշաձողի իջեցում։ Արդյո՞ք դա նշանակում է Արցախի կարգավիճակ Ադրբեջանի կազմում, արդյո՞ք այսպես կոչված՝ «խաղաղության օրակարգը» Արցախը Ադրբեջանին բռնակցել է նշանակում։ 120 հազար արցախցիներ սպասում են այս հարցի պատասխանին»։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Երևանի և երկու մարզի մի շարք հասցեներում
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս