«Էդմոն Մարուքյանն օրվա իշխանության սպասարկուն է». Իշխան Սաղաթելյան
«Այն մարդը, ով Արցախի դրոշը բարձրացնելուց նոպաներ է ունենում, դա իրենց պրոբլեմն է։ Սա ձևական ակցիա չէ, սա շատ հստակ քաղաքական, ժողովրդական ուղերձ է և՛ դրսի երկրներին և՛ օրվա իշխանություններին»,- խորհրդարանում լրագրողների հետ զրույցում ասաց ԱԺ փոխնախագահ, ՀՅԴ ԳՄ ներկայացուցիչ Իշխան Սաղաթելյանը՝ անդրադառնալով ՀՀ տարբեր հատվածներում Արցախի դրոշի տեղադրման վերաբերյալ տարբեր գործիչների մեկնաբանություններին։
Իշխանական պատգամավորները տարբեր առիթներով որ լրատվամիջոցներով քննադատում էին ընդդիմությանը՝ հայտարարելով, թե Արցախը փրկում են ոչ թե Երևանում, այլ Ստեփանակերտում, ուստի ինչո՞ւ չեն գնում Ստեփանակերտ, ի՞նչ գործ ունեն ասֆալտի վրա ճոռոմաբանությամբ զբաղվելու։
«Իրենք Արցախից ձեռքերը լվացել են։ Իրենց անգործությունը, Արցախի նկատմամբ դավաճանությունը հիմնավորելու համար փորձում են հերթական անգամ հղում անել ժողովրդին, թե դրանով կվտանգեն, արդեն վտանգել են։ Ով մեր խորհրդանշանի՝ Արցախի դրոշի նկատմամբ ոտնձգություն անի, ինքն Ալիևից ու թուրքերից ոչնչով չի տարբերվում։ Այդ դրոշի համար մեր ժողովուրդը պայքարել է, արյան գնով ազատագրել է Արցախը»,- հավելեց Իշխան Սաղաթելյանը։
«Մոտ 2 տասնյակ քաղաքներում բարձրացվել է Արցախի դրոշը, առաջիկա 2-3 օրերին այդ գործընթացը կշարունակվի։ Առաջիկա օրերին մենք կլինենք Արցախում, Սյունիքում, Գեղարքունիքում, Տավուշում ու կաշխատենք մեր քաղաքացիների հետ։ Մենք գնում ենք ժողովրդին կազմակերպելու և ոտքի հանելու համար»,- շեշտեց Իշխան Սաղաթելյանը։
Թե անցյալ շաբաթ տեղի ունեցած, և թե ընդհանրապես հանրահավաքների մասին Իշխան Սաղաթելյանն ասաց, որ հանրահավաք անցկացնելու կոչին քաղաքացիները շատ հստակ արձագանքեցին, և դա տեսնում են։
Թե ե՞րբ կլինի հաջորդ հանրահավաքը, Իշխան Սաղաթելյանը պատասխանեց, որ արդեն կան պլանավորված գործողություններ, և դրա մասին լրացուցիչ կհայտարարեն։
Լրագրողների հարցին, թե ինչպես կմեկնաբանի «Լուսավոր Հայաստան» կուսակցության ղեկավար Էդմոն Մարուքյանի հայտարարությունները, Իշխան Սաղաթելյանն պատասխանեց, որ նրան չի մեկնաբանում, քանի որ նա Նիկոլից ոչնչով չի տարբերվում։
«Ինքն օրվա իշխանության սպասարկուն է, նրան անիմաստ է մեկնաբանել։ Այս իշխանության օրոք մենք կորցրել ենք Արցախի 75 տոկոսը, և անիմաստ ելույթներ, ի՞նչը մեկնաբանեմ, ամեն ինչ տեղի է ունեցել մեր ժողովրդի աչքի առջև»,- հավելեց Իշխան Սաղաթելյանը։
Նա նաև տեղեկացրեց, որ այսօր ԱԺ ընդդիմադիր խմբակցությունների պատգամավորներով մեկնում են Արցախի Հանրապետություն։
«Բոյկոտելով քառօրյան՝ մենք մեկնում ենք Արցախ և շարունակելու ենք լինել Արցախում, որովհետև իրենք են մոռացել Արցախը, մենք երբեք չենք մոռանալու։ Մենք Արցախում հանդիպելու ենք տեղի քաղաքական ուժերի հետ, լինելու ենք սահմանամերձ գյուղերում, Արցախը պետք է մշտապես իմանա, որ ինքը երբեք մենակ չէ»,- եզրափակեց Իշխան Սաղաթելյանը։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Երևանի և երկու մարզի մի շարք հասցեներում
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս