Հռիփսիմե Ստամբուլյան. Հայաստանը չի կարող անվերջ մեծացնել պետական պարտքը
Հայաստանը չի կարող անվերջ ավելացնել պետական պարտքը՝ այն թողնելով հաջորդ սերունդներին։ Այս մասին Ազգային ժողովում մարտի 28-ին ԱԺ տնտեսական հարցերի մշտական հանձնաժողովի նիստին հայտարարեց «Հայաստան» ընդդիմադիր խմբակցության պատգամավոր Հռիփսիմե Ստամբուլյանը։
Նրա խոսքով՝ նույնիսկ փոքր, միջին եւ խոշոր կազմակերպությունները ճգնաժամի ժամանակ վերանայում են իրենց ծախսերը, ինչը միանգամայն բնական եւ տրամաբանական է։ Սակայն, ինչպես նշեց պատգամավորը, Հայաստանի ֆինանսների նախարարությունը չի էլ պատրաստվում վերանայել ընթացիկ ծախսերը։ «Կարծում եմ, որ ֆինանսների նախարարությունը պետք է շատ հստակ եւ վճռական միջոցներ ձեռնարկի, քանի որ ներկայիս բավականին ծանր ֆինանսական իրավիճակում մենք որեւէ շքեղություն չենք կարող մեզ թույլ տալ։ Մասնավորապես, դա վերաբերում է պարգեւատրումներին։
Անհրաժեշտ է նաեւ կրճատել գործուղումների թիվը։ Եթե բիզնեսը չի կարող իրեն թույլ տալ անժամկետ վարկեր վերցնել, քանի որ մի օր պարտավորվելու է մարել կուտակված պարտքերը, ապա պետությունը, տեսականորեն, եւս չի կարող անժամկետ ավելացնել պետական պարտքը՝ պարտքերը թողնելով ապագա սերունդներին»,- պարզաբանեց Ստամբուլյանը։ Ընդդիմադիրի խոսքով՝ պետությունը՝ ի դեմս կառավարության ղեկավարի, պետք է հստակ եւ հիանալի հասկանա, որ երկիրը չի կարող անընդհատ մեծացնել պետական պարտքը։
Ֆինանսների նախարար Տիգրան Խաչատրյանն ի պատասխան ասաց, որ իրենք չեն պատրաստվում անվերահսկելի կերպով ավելացնել պետական պարտքը։ Կառավարության ներկայացուցչի խոսքով՝ դա անընդունելի է. Նա համոզված է, որ վարկ վերցնելն անհրաժեշտ է միայն այն դեպքում, երբ կոնկրետ անհրաժեշտություն, ինչպես նաեւ դրա հետագա վերադարձի հնարավորություն կա:
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Աբու Դաբիի նավթային ընկերության երկու նավեր հարձակման են ենթարկվել Հորմուզի նեղուցում
Ջերմուկ համայնքին կվերադարձվի 0.3 հա մակերեսով հողամաս
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Մեղրին՝ ԱՊՀ մշակութային մայրաքաղաք․ սեպտեմբերին համայնքում կմեկնարկի միջազգային կինոփառատոն
Առաջին անգամ Հայաստանում՝ «Համերգ տոտալ մթության մեջ»
Ի՞նչ միտումներ կան անշարժ գույքի շուկայում
ԵՄ-ն՝ Հայաստանի բարեփոխումների մասին․ առաջընթացին զուգահեռ դեռեւս խնդիրներ կան
Հայաստանն ու Ղազախստանը քննարկել են ագրոոլորտում համագործակցությունը