Մոսկվան ողջունում է հայ-թուրքական հարաբերությունների կարգավորման կուրսը
Մոսկվան ողջունում է հայ-թուրքական հարաբերությունների կարգավորման կուրսը։ Այս մասին հայտարարել է ՌԴ արտգործնախարար Սերգեյ Լավրովը իր թուրք գործընկեր Մեւլյութ Չավուշօղլուի հետ բանակցությունների արդյունքներով կայացած մամուլի ասուլիսի ժամանակ։
Նա հիշեցրել է, որ կազմակերպվել է հայ-թուրքական հարաբերությունների կարգավորման հարցով հատուկ ներկայացուցիչների առաջին հանդիպումը։ «Այդ մասին պարոն նախարարը [Չավուշօղլուն], հավանաբար, կպատմի։ Մենք ողջունում ենք երկու հարեւան երկրների միջեւ այս երկկողմ կապերի կարգավորման կուրսը»,- ասել է Լավրովը՝ հավելելով, որ Ռուսաստանն իր հերթին պատրաստ է բոլոր մակարդակներով նպաստել Անդրկովկասի երկրների միջեւ հարաբերությունների խորացմանը։