Թուրքիայի արտգործնախարար. Անկարան հանձնառու է Մոնտրյոյի կոնվենցիային եւ կկատարի դրա դրույթները
Թուրքիան վերահաստատում է իր հանձնառությունը նեղուցների կարգավիճակի մասին Մոնտրյոյի կոնվենցիային եւ կկատարի դրա դրույթները: Այս մասին չորեքշաբթի ՌԴ արտգործնախարար Սերգեյ Լավրովի հետ հանդիպմանը հայտարարել է Թուրքիայի արտգործնախարար Մեւլութ Չավուշօղլուն, փոխանցում է ՏԱՍՍ-ը։
«Հիշեցնում ենք, որ Մոնտրյոյի կոնվենցիայի վերաբերյալ մեր որոշումը նույնն է մնում։ Մենք կշարունակենք կատարել դրա դրույթները»,- ասել է նա։
«Ցանկանում ենք նշել, որ ուրախ էինք տեղեկանալ նեղուցներով երկու նավերի չանցման Ռուսաստանի որոշման մասին»,- հավելել է Չավուշօղլուն։