Բաքվում հակառուսական ակցիա է տեղի ունեցել
Բաքվում մարտի 4-ին հակառուսական ակցիա է տեղի ունեցել։
Ադրբեջանական ԶԼՄ-ների հաղորդմամբ՝ ոստիկանությունը թույլ չի տվել ակցիայի մասնակիցներին մոտենալ դեսպանատան շենքին։ Դա զայրացրել ցուցարարներին, եւ նրանք դեսպանատան մոտ հայտարարություն են կարդացել։
Ցուցարարները պահանջել են անհապաղ դադարեցնել օկուպացիան, ամբողջությամբ դուրս բերել ռուսական զորքերը Ուկրաինայից եւ հարեւանների հետ խնդիրները կարգավորել բանակցությունների սեղանի շուրջ։ Դրանից հետո ցուցարարները վանկարկել են՝ «Վե՛րջ տուր օկուպացիային», եւ հայտարարությունը փոխանցել են ոստիկանության աշխատակիցներին, ովքեր խոստացել են այն փոխանցել դեսպանատուն։ Ակցիան կազմակերպել է «Պաշտպանության գիծ»-ը, նշում են լրատվամիջոցները։