Իսրայելն Իրանի հարցով ճնշում է գործադրում աշխարհի վրա, իսկ Թիլերսոնն առաջարկում է

Միացյալ Նահանգներին պետքարտուղար Ռեքս Թիլերսոնը երեկ Fox News-ին տված հարցազրույցում հայտարարել է, որ Իրանի հետ 2015 թվականին կնքված միջուկային համաձայնագրում պետք է փոփոխություններ կատարվեն, նախքան Դոնալդ Թրամփի վարչակազմը կհամաձայնի աջակցել դրան:

Թիլերսոնի խոսքով, ամերիկյան կողմը մասնավորապես մտահոգված է համաձայնագրի այն հատվածով, որը տասը տարով՝ մինչև 2025 թվականը մեղմացնում է Իրանի նկատմամբ սահմանված պատժամիջոցները, իսկ Թեհրանը պարտավորվում է սահմանափակել ուրանի հարստացումը:

«Սա բավականաչափ խիստ համաձայնագիր չէ, այն չի դանդաղեցնում նրանց միջուկային ծրագիրը», - ասել է Թիլերսոնը: - «Մենք կարող ենք հետհաշվարկ կատարել, թե երբ նրանք կվերականգնեն իրենց միջուկային զենքի հնարավորությունները»:

Պետքարտուղարը նշել է, որ Միացյալ Նահանգները եվրոպացի գործընկերների աջակցության կարիքն ունի՝ Իրանին համոզելու վերսկսել համաձայնագրի շուրջ բանակցությունները:

Երկու տարի առաջ հուլիսին Իրանի և վեց գերտերությունների միջև կնքված պայմանագրի համաձայն, ՄԱԿ-ի փորձագետները պետք է հնարավորություն ունենան մուտք գործել Իրանի բոլոր այն վայրերը, որտեղ հնարավոր է միջուկային զենք պահվի կամ մշակվի, Թեհրանն էլ պետք է սահմանափակի իր միջուկային ծրագիրը՝ դրա դիմաց ազատվելով արևմտյան պատժամիջոցներից:

Իսրայելի վարչապետ Բենյամին Նեթանյահուն, ելույթ ունենալով ՄԱԿ-ի Գլխավոր ասամբլեայում, հայտարարել է, որ Իսրայելը կկանխի Իրանի կողմից Սիրիայում ռազմական բազաների հիմնումը:

Նեթանյահուն ևս, ինչպես ԱՄՆ-ի պետքարտուղար Ռեքս Թիլերսոնը իր վերջին հարցազրույցում, պահանջել է փոփոխություններ կատարել երկու տարի առաջ Իրանի հետ կնքված միջուկային համաձայնագրում: Նրա խոսքով՝ պաշտոնական Թեհրանը փորձում է «իրանական վարագույրն» իջեցնել Միջին Արևելքի երկայնքով՝ Կասպից ծովից մինչև Միջերկրական:

«Փոխե՛ք այն կամ չեղարկե՛ք այն», - խոսելով միջուկային համաձայնագրի մասին՝ ասել է Նեթանյահուն:

Իրանի ղեկավարները անմիջապես չեն արձագանքել Նեթանյահուի հայտարարություններին:

Հիշեցնենք, որ Իսրայելը միջուկային զենք ունի, եւ այդ մասին գիտեն եւ ԱՄՆ-ում, եւ Եվրոպայում:

Այս թեմայով Թեհրանի դիրքորոշումը մնում է անփոփոխ. Բաղայի Միացյալ Նահանգները և Իսրայելը անցել են Իրանի դեմ իրենց պատերազմի կեսը. Նեթանյահու Իրանը մահապատժի է ենթարկել հունվարյան զանգվածային անկարգությունների ևս երկու մասնակցի Իրանը հայտնել է, որ ԱՄՆ-ն ու Իսրայելը հարձակվել են բժշկական պարագաներ տեղափոխող քաղաքացիական ինքնաթիռի վրա Հորմուզի նեղուցով անցումը կլինի վճարովի. Իրանը նոր օրենք է սահմանել