Վանում Արշիլ Գորկու հիշատակին նվիրված շատրվանը կրկին վանդալիզմի է ենթարկվել
Թուրքիայի արեւելյան Վան նահանգում հայտնի հայ նկարիչ Արշիլ Գորկու հիշատակին կառուցված շատրվանը վնասվել է անհայտ անձանց կողմից, հայտնում է Duvar լրատվական կայքը։
Վանի Էդրեմիթ թաղամասի թաղաապետարանը շատրվան կառուցել էր 2015 թվականին՝ շարունակելով ննջեցյալների հիշատակը հարգելու ավանդույթը՝ ջուր ապահովելով բնակիչների ու անցորդների համար։ Շատրվանը կառուցվել է Սեւիլ Ռոջբին Չեթինի օրոք, ով քաղաքապետ էր ընտրվել այժմ գոյություն չունեցող քրդամետ Խաղաղություն եւ ժողովրդավարություն կուսակցությունից։
Շատրվանի չորս կողմերը թուրքերեն, հայերեն, քրդերեն եեւ անգլերեն լեզուներով զարդարված են Գորկու կյանքի մանրամասներով, որոնցից յուրաքանչյուրից ջուր է հոսում։ Շատրվանի ճարտարապետները հատուկ տեղական քարեր են օգտագործել եւ կառուցել են այն Գորկու ընտանիքի նախկին տան մոտ։
Հուշարձանը նախկինում մի քանի անգամ վանդալիզմի է ենթարկվել: Քաղաքապետ Չեթինը հեռացվել էր պաշտոնից եւ բանտարկվել ահաբեկչության մեղադրանքով։ Չեթինին փոխարինել է կառավարության կողմից նշանակված պաշտոնյան, ով թույլ տվեց շատրվանի հետագա քանդումը:
Ժամանակի ընթացքում չորս կողմի ծորակները վնասվել ու խցանվել են, իսկ Գորկու անունը քերվել է: Ամենավերջին միջադեպի ժամանակ հանվել եւ անհետացել են Գորկու կյանքի պատմությունը պատմող ցուցանակները:
Հարցին, թե ինչու է ջուրն անջատվել, թաղաաքապետարանը պատասխանել է, որ դա կապված է ջրի պակասով, ընդ որում, հերքել է վնասի մասին ցանկացած տեղեկություն:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը