Թուրքիայի եւ ԱՄԷ-ի կենտրոնական բանկերը շուրջ 5 մլրդ դոլարի սվոփային պայմանագիր են ստորագրել
Թուրքիայի եւ ԱՄԷ-ի կենտրոնական բանկերը շուրջ 5 մլրդ դոլարի սվոփային պայմանագիր են ստորագրել։
Գործարքը տեղի է ունենում այն ժամանակ, երբ թուրքական իշխանությունները միջոցներ են փնտրում լիրային աջակցելու համար, որն անցյալ տարի կորցրել է իր արժեքի 44 տոկոսը դոլարի նկատմամբ:
Համաձայնագիրը նպատակ ունի խթանել առեւտրային եւ ֆինանսական համագործակցությունը Թուրքիայի եւ ԱՄԷ-ի միջեւ, որոնք ձգտում են վերականգնել իրենց հարաբերությունները Ակնկալվում է, որ գործարքի տեւողությունը կլինի 3 տարի, հայտնել են Թուրքիայի կենտրոնական բանկից։
Թուրքիայի կենտրոնական բանկը նախկինում Չինաստանի, Հարավային Կորեայի եւ Կատարի հետ կնքել է շուրջ 23 միլիարդ դոլարի սվոփային համաձայնագրեր։