Վաշինգտոնն ու Անկարան քննարկել են Հայաստանի եւ Թուրքիայի միջեւ հարաբերությունների կարգավորման գործընթացը
ԱՄՆ ազգային անվտանգության հարցերով խորհրդական Ջեյք Սալիվանը եւ Թուրքիայի նախագահի մամուլի քարտուղար Իբրահիմ Քալինը քննարկել են Անկարայի եւ Երեւանի միջեւ հարաբերությունների կարգավորման գործընթացը։
Sabah-ը հայտնում է, որ հեռախոսազրույցի ընթացքում կողմերը քննարկել են երկկողմ քաղաքական ու տնտեսական կապերը, անվտանգության ոլորտում համագործակցության զարգացումը։ Զրուցակիցները քննարկել են Թուրքիայի եւ ԱՄՆ-ի միջեւ համաձայնեցված համատեղ ռազմավարական մեխանիզմի մանրամասները։
Մտքերի փոխանակում է տեղի ունեցել ուկրաինական ճգնաժամի, Ղազախստանում բողոքի ցույցերի, Հայաստանի հետ հարաբերությունների կարգավորման գործընթացի, Աֆղանստանի, Բոսնիա եւ Հերցեգովինայի ու Եթովպիայի իրադարձությունների շուրջ։
«Գնահատական է տրվել Թուրքիայի եւ Հայաստանի միջեւ հարաբերությունների կարգավորման գործընթացին եւ Ադրբեջանի ու Հայաստանի միջեւ մշտական խաղաղության հաստատման, տարածաշրջանի կայունության եւ բարգավաճման գործում ներդրմանը։ Ընդգծվել է նաեւ, որ Թուրքիան վճռական է շարունակելու իր դերը Բալկաններում, Կովկասում, Մերձավոր Արեւելքում, Կենտրոնական Ասիայում եւ Աֆրիկայում խաղաղության եւ կայունության ապահովման գործում»,- ասված է հայտարարության մեջ։
Նշվել է, որ «ուկրաինական ճգնաժամը պետք է լուծվի երկխոսության եւ համագործակցության միջոցով, եւ որ Թուրքիան պատրաստ է ամեն կերպ նպաստել դրան», միաժամանակ ընդգծելով, որ Թուրքիան «նշանակություն» է տալիս Ուկրաինայի տարածքային ամբողջականության պաշտպանությունը։
Ընդգծվել է, որ Ղազախստանում իրավիճակի շուտափույթ կայունացումը կարեւոր է տարածաշրջանում խաղաղության եւ կայունության համար։ Հիշատակվել են այս հարցում Թյուրքական պետությունների կազմակերպության ջանքերը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը