Տոնոյանը սպառնում է խոսել. քաղաքագետը` նախկին նախարարի զգուշացնող ուղերձների մասին
ՀՀ պաշտպանության նախկին նախարար Դավիթ Տոնոյանի հարցազրույցն ուղերձ է պատկան մարմիններին առ այն, որ եթե իր խափանման միջոցը դատավարության ժամանակ չփոխեն, ապա ինքը կարող է 44-օրյա պատերազմում կրած պարտության պատճառների մասին ինչ-ինչ բացահայտումներ անել։ Sputnik Արմենիայի հետ զրույցում այս մասին ասաց քաղաքագետ Երվանդ Բոզոյանը։
«Տեսնելով, որ մինչև գործը դատարան ուղարկելը ներկուլիսային միջոցներով չկարողացավ լուծել այս խնդիրը, փաստորեն սպառնում է, որ եթե իր գործը չփոխվի, ապա ինքը կարող է հրապարակային ինչ-որ հայտարարություններով հանդես գալ, որը կարող է վնաս տալ այսօրվա իշխանությանը»,-ասաց նա։
Տոնոյանը շատ ուղիղ կերպով ակնարկում է, որ իր հանդեպ քաղաքական հետապնդում է իրականացվում և որ բանակին և բանակի ղեկավարությանն ուզում են «քավության նոխազ» դարձնել, բայց դա, քաղաքագետի կարծիքով, չի նշանակում, որ պաշտպանության նախկին նախարարը մեր պարտության համար պատասխանատվություն չի կրում։
«Տոնոյանը` որպես պաշտպանության նախարար, իր բաժին պատասխանատվությունը կրում է, բայց իր ասածի իմաստը կայանում է նրանում, որ իրեն մեղադրանք են ներկայացնում ավելի մեծ մեղքի համար, քան ինքը կատարել է»,-նշեց Բոզոյանը։
Նշենք, որ ՀՀ պաշտպանության նախկին նախարար Դավիթ Տոնոյանը, պատասխանելով տարբեր լրատվամիջոցների ուղարկած հարցերին, նշել է, որ իր դեմ հարուցված քրեական գործով փորձ է արվում վարկաբեկել իր անձն ու պաշտպանական համակարգը։ Տոնոյանն ընդգծել է, որ իր պաշտոնավարման ընթացքում չի հիշում մի դեպք, որ քաղաքական ղեկավարությունը, մասնավորապես ՀՀ վարչապետը, երբևէ ակնարկած լինի «անորակ» զենք-զինամթերքի հետ կապված խնդիրների մասին։
Հիշեցնենք, որ պաշտպանության նախկին նախարարը կալանավորվել էր սեպտեմբերի 30-ին ոչ պիտանի ավիացիոն հրթիռների գնման քրեական գործի շրջանակում։
Նախաքննությունը Տոնոյանին և գործարար Դավիթ Գալստյանին մեղադրում է 4,6 մլն դոլար յուրացնելու մեջ։ Նրանք իրենց մեղքը չեն ընդունում։ Տոնոյանի կալանքի ժամկետը երկու ամսով երկարաձգվել էր նոյեմբերին։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս