Իրանը չի ճանաչում Աֆղանստանի ներկայիս իշխանություններին, քանի դեռ ներառական կառավարություն չի ձեւավորվել
Քաբուլում Իրանի դեսպան Բահադուր Ամինիանը TOLOnews-ին տված հարցազրույցում ասել է, որ իր երկիրը չի ճանաչում Աֆղանստանի ներկայիս իշխանություններին, քանի դեռ ներառական կառավարություն չի ձեւավորվել։
Նա նշել է, որ Թեհրանը կարող է համոզել այլ երկրներին ճանաչել Աֆղանստանի կառավարությունը, եթե Քաբուլը բարեփոխումներ կատարի իր կառավարության կառուցվածքում։
«Եթե իշխանության են գալիս մեկ էթնիկ խմբի ներկայացուցիչներ, իսկ բոլոր մյուս էթնիկ խմբերը կառավարության մաս չեն կազմում, մենք դա չենք ընդունում, եւ այդ պատճառով մենք բարիմաղթանքներով կոչ ենք անում «Թալիբան»-ի ղեկավարությանը ստեղծել ներառական կառավարություն»,- ասել է նա:
Իրանի դեսպանն ասել է, որ ներկայիս տնտեսական ճգնաժամը ճանապարհ կհարթի ծայրահեղականության, հատկապես «Իսլամական պետություն» ահաբեկչական խմբավորման համար։
«Եթե տնտեսական խնդիրները մնան, դա ավելի մեծ միգրացիայի կհանգեցնի: Եթե տնտեսական խնդիրները մնան, դրանք կառաջացնեն ծայրահեղականություն, որը կսպառնա ոչ միայն Աֆղանստանին, այլեւ տարածաշրջանին»,- ասել է նա:
Ամինիանը, սակայն, հերքել է տեղեկությունն այն մասին, որ իրանական ուժերը դաժանաբար են վարվում աֆղանցի փախստականների հետ՝ ասելով, որ Իրանում ապրում է մոտ չորս միլիոն աֆղանցի։
Նրա խոսքով՝ Իրանի կառավարությունը աֆղանցի փախստականներին կրթություն ստանալու հնարավորություններ է տալիս։
Միաժամանակ, Քաբուլում հայտարարել են, որ Ամինիանի հայտարարությունները Աֆղանստանի գործերին միջամտելու փորձ են։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը