«Հայաստան» խմբակցությունը «13–րդ աշխատավարձը» կուղղի բարեգործության
ԱԺ նախագահ Ալեն Սիմոնյանի որոշմամբ բաժանված պարգեւատրումները ընդդիմադիր «Հայաստան» խմբակցությունը կօգտագործի բարեգործական նպատակով։ Այս մասին NEWS.am-ի հետ զրույցում ասաց խմբակցության պատգամավոր Ագնեսսա Խամոյանը։
«Մեր խմբակցության պատգամավորները նույնպես ստացել են այսպես կոչված՝ 13–րդ աշխատավարձերը, որը պարգեւատրում է։ Ինչպես նախորդ անգամ, այնպես էլ հիմա «Հայաստան» խմբակցությունը պարգեւատրումները չի ծառայեցնի սեփական նպատակների համար, այլ կուղղի բարեգործության։ Նախորդ անգամ խմբակցությունը որոշել էր պարգեւատրումները տրամադրել Արցախում զինվորների համար գործող Քերոլայն Քոքսի անվան վերականգնողական կենտրոնին, իսկ այս անգամ որոշում է կայացվել է, որ յուրաքանչյուր պատգամավոր իր հայեցողությամբ այդ գումարը կծախսի որեւէ բարեգործության համար»,– ասաց Ագնեսսա Խամոյանը։
Հիշեցնենք, որ 8-րդ գումարման պատգամավորները պարգեւատրվել էին նաեւ ամիսներ առաջ՝ անկախության 30-ամյակի առթիվ։ Բացի աշխատավարձից, պատգամավորները պատգամավորական ծախսերի համար ստանում են 250 000 դրամ, նախկինում այն կազմում էր 50 000 դրամ։ Դեռ հոկտեմբեր ամսին, «Հայաստան» խմբակցությունը դիմել էր Սահմանադրական դատարան՝ ամեն ամիս պատգամավորներին տրվող 250 000 դրամների հարցով։ Խմբակցությունը դիմումում վիճարկել էր պետական քաղաքական պաշտոնյաների` ՀՀ նախագահի, վարչապետի, փոխվարչապետերի, նախարարների, նախարարների տեղակալների, պատգամավորների պարգեւատրման համակարգը։
«Թեեւ ՍԴ–ն մերժել է մեր խմբակցության դիմումը հիմնավորելով, որ հարցը գտնվում է պետական քաղաքականության ոլորտում եւ սահմանադրականության խնդիր չի առաջացնում, այդուհանդերձ մենք շարունակելու ենք հետեւողական լինել պարգեւավճարների եւ պարգեւատրումների հարցում, իսկ թե ինչ ձեւով, հավելյալ կտեղեկացնենք»,– հավելեց «Հայաստան» խմբակցության պատգամավոր Ագնեսսա Խամոյանը։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս