Անկարա. Ռուսաստանիի եւ ՆԱՏՕ-ի միջեւ լարվածությունը կարելի է նվազեցնել երկխոսության միջոցով
Անկարան դեմ է ցանկացած սրացման տարածաշրջանում։ Այս մասին հայտարարել է Թուրքիայի արտգործնախարար Մեւլութ Չավուշօղլուն՝ խոսելով ՆԱՏՕ-ի եւ Ռուսաստանի միջեւ հարաբերություններում լարվածության մասին, փոխանցում է Anadolu-ն։
Նրա խոսքով՝ Թուրքիան իր դիրքորոշումը հայտնում է Ռուսաստանին, իսկ Մոսկվան հարցեր է քննարկում Անկարայի հետ։ «Մեր երկրի համար, ի թիվս այլ հարցերի, կարեւոր է Ղրիմի թաթարների դիրքորոշումը»,- ասել է նա։
Խոսելով ՆԱՏՕ-ի երկրների եւ Ռուսաստանի հարաբերություններում լարվածության մասին՝ նա նշել է, որ «դիրքորոշումները տարբեր են՝ ոմանք հակված են զսպման, իսկ ոմանք՝ երկխոսության»։ ՆԱՏՕ-ի 30 դաշնակիցներից յուրաքանչյուրն ունի իր փաստարկներն այս կամ այն ուղղությամբ»,- ասել է Չավուշօղլուն։ Նրա խոսքով` կան նաեւ պետություններ, որոնք կարծում են, որ այս երկու գործոնները [զսպումը եւ երկխոսությունը] պետք է իրականացվեն զուգահեռ։
Ինչ վերաբերում է Թուրքիային, ապա, Չավուշօղլուի խոսքով, Անկարան ավելի շատ կողմ է Մոսկվայի հետ երկխոսությանը։
«Մենք կարծում ենք, որ լարվածությունը կարելի է վերացնել կամ գոնե նվազեցնել երկխոսության միջոցով։ Դա վերաբերում է նաեւ խնդիրների կարգավորմանը։ Այս համատեքստում նշանակալից ենք համարում ՆԱՏՕ-Ռուսաստան խորհրդի առաջիկա հանդիպումը։ Մեր երկիրը հանդես է գալիս նման հանդիպումների կանոնավոր անցկացման օգտին, Անկարան իր դրական ներդրումն է ունենում եւ կշարունակի ունենալ այս գործընթացում։ Եթե Ռուսաստանն Անկարային Մոսկվայի եւ ՆԱՏՕ-ի հարաբերություններում լարվածության թուլացման վերաբերյալ որեւէ առաջարկ ուղղի, ապա մենք դրականորեն կդիտարկենք նախաձեռնությունները։ Որովհետեւ Թուրքիայի դիրքորոշումը շատ հստակ է. տարածաշրջանում ցանկացած զինված առճակատում անխուսափելիորեն կազդի բոլոր հարեւան պետությունների վրա»:
Չավուշօղլուի խոսքով՝ շատ կարեւոր է, որպեսզի հնչեցված նախաձեռնություններն ընդունելի լինեն բոլոր կողմերի համար։ «Մոսկվան հայտարարել է ՆԱՏՕ-ին իր առաջարկների մասին։ Գուցե Դաշինքը եւս Մոսկվայից անվտանգության որոշակի երաշխիքներ է ուզում։ Դա երկկողմանի գործընթաց է։ Ուստի Ռուսաստան-ՆԱՏՕ խորհրդի առաջիկա նիստը շատ կարեւոր է։ Այս հարցում գլխավորը կառուցողականությունն եւ մաքսիմալիզմից հրաժարվելն է, ինչը թույլ կտա կոնսենսուսի հասնել։ Բանակցային սեղանի շուրջ հակառակ կողմին իրենց դիրքորոշումը պարտադրելու փորձերը հաջողություն չեն ունենա»,- ասել է թուրք նախարարը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը