Չելյաբինսկում հարյուրավոր ադրբեջանցիներ են կալանավորվել
Չելյաբինսկում ադրբեջանական սփյուռքի ներկայացուցիչ Ռամիլ Ջանիեւի սպանության գործի եւ դրանից հետո ծագած պատերազմի շրջանակում շուրջ 200 ադրբեջանցի է կալանավորվել։
haqqin.az-ի հաղորդմամբ՝ քիքբոքսինգով զբաղվող 25-ամյա Ռամիլ Ջանիեւին սպանել են սեպտեմբերի 8-ին իր տան շքամուտքի մոտ։ Մարդասպանը մի քանի անգամ կրակ է բացել նրա գլխի ուղղությամբ։ Հանցագործության մեջ կասկածում են 26-ամյա Էլդանիզ Բաղիրովին։
«Բակինսկի դվորիկ» ռեստորանում հոգեհացի արարողության ժամանակ իրավապահները ձերբակալել են ռեստորանի հյուրերին եւ ոստիկանական բաժանմունք տարել։
Ականատեսներից մեկի խոսքով՝ ռեստորան ներխուժած ուժայինները օդ են կրակել։
Ոստիկանական նմանատիպ շուրջկալություն է տեղի ունեցել նաեւ օգոստոսի 29-ին, «Մալենկայա Գրուզիա» ռեստորանում։ Աղբյուրների տվյալներով՝ այդ վայրում հրաձգություն են սկսել ադրբեջանական խմբավորման առաջնորդ Ռահման Աբդուլլաեւի եւ կազմակերպված հանցագործության դեմ պայքարի վարչության նախկին աշխատակից Անդրեյ Ցելիշչեւի «մարտիկները», որին քրեական հեղինակություն Վլադիմիր Պուզկովի մարդիկ են աջակցել։ ՆԳՆ Չելյաբինսկի Գլխավոր վարչությունում «զտման» պատճառ են համարում «միգրացիոն օրենսդրության խախտումների ստուգումը»։
Աղբյուրները ենթադրում են, որ հարաբերությունների պարզումը, ինչպես նաեւ 25-ամյա Ռամիլ Ջանիեւի սպանությունը կապված է տարածաշրջանում երթուղային տաքսիների շուկայի վերաձեւավորման հետ։ Այդ ոլորտում ադրբեջանական սփյուռքն ամենակարեւոր խաղացողներից է։ Բացառված չէ, որ Ջանիեւի սպանությունից հետո նոր արյուն կարող է թափվել, քանի որ ադրբեջանցիները կցանկանան վրեժխնդիր լինել իրենց հայրենակցի մահվան համար։
Հայաստանում ԱՄՆ դեսպանատունը զգուշացնում է
ԱՄՆ-ն հարվածել է խոշոր զինամթերքի պահեստի
Այսօրվանից վերսկսվում են Կապան-Երևան-Կապան թռիչքները․ Խուդաթյան
Մի խաբեք մարդկանց. Արցախը վերադարձնելու հարցում մենք որեւէ դաշնակից չունենք
Արաղչին առաջարկել է տարածաշրջանից հեռացնել ամերիկյան զորքերը
Ինչու Սպերցյանը չտեղափոխվեց Պորտու
Wildberries-ը Երևանում բացել է նոր լոգիստիկ համալիր՝ օրական մինչև 500 հազար ապրանքի թողունակությամբ
Զաբել տատն իր 100-ամյա հոբելյանը կյանքի ամենաերջանիկ օրերից մեկն է համարում. հարազատները ծննդյան օրն...
Դասերը կվերսկսվեն առկա ձևաչափով վաղվանից՝ մարտի 31-ից․ Հայաստանի ամերիկյան համալսարան
Աջակցությունը կազմում է 50%՝ առավելագույնը 1-1.5 մլն դրամ՝ կախված սերտիֆիկատի տեսակից․ Գևորգ Պապոյան...