Ընտրյալ ղեկավարների, հեղինակավոր անձանց անազատության մեջ պահելը հանցանք է պետականության նկատմամբ․ ՀՅԴ Սյունիքի ՄԿ
ՀՅԴ Սյունիքի «Լեռնահայաստան» Մարզային կոմիտեն հայտարարություն է տարածել՝ կապված «Սիսական» ջոկատի հրամանատար Աշոտ Մինասյանի կալանավորման հետ:
Հայտարարությունում ասվում է.
«ՀՀ իշխանությունների վարած ապազգային քաղաքականության մեջ առանձնահատուկ տեղ ունի Սյունիքի և սյունեցիների նկատմամբ անձնավորված թիրախային մոտեցումը:
Մինչ այսօր, առանց իրավական լուրջ հիմնավորումների, անազատության մեջ են գտնվում Սյունիքի մարզի խոշորացված համայնքների 4 ընտրյալ ղեկավարները, որոնք մասնակցել են արցախյան երկրորդ պատերազմին և միշտ պատրաստակամ են մասնակցել ցանկացած գործողության՝ հանուն պետականության և հայի արժանապատվության:
Երեկ ձերբակալվել է «Սիսական» ջոկատի հրամանատար Աշոտ Մինասյանը: Աշոտ Մինասյանի և «Սիսական» ջոկատի հերոսական գործունեության մասին կարող են չիմանալ միայն անհայրենիք և անցյալ չունեցող մարդիկ: Նրա և 4 համայնքների ղեկավարների ազատության մեջ գտնվելը վտանգավոր կարող են համարել միայն նրանք, ովքեր արժանապատիվ խաղաղությունը շփոթում են անարժանապատիվ և ստրկական գոյության հետ:
Այսօր Սյունիքը գտնվում է մեր թշնամիների հակահայ ծրագրերի և աշխարհաքաղաքական խոշոր խաղացողների ուշադրության կենտրոնում: Նման իրավիճակում ընտրյալ ղեկավարների, ռազմական փորձ ունեցող և հեղինակավոր անձանց անազատության մեջ պահելը հանցավորություն է պետականության նկատմամբ, Սյունիքի դիմադրողական ոգու թուլացման քայլ:
ՀՀ իշխանություններից պահանջում ենք ազատ արձակել Սյունիքի ընտրյալ համայնքի ղեկավարներ Առուշ Առուշանյանին, Մանվել Փարամազյանին, Արթուր Սարգսյանին, Մխիթար Զաքարյանին և «Սիսական» ջոկատի հրամանատար Աշոտ Մինասյանին:
Մեր պահանջի չկատարումը կդիտարկենք որպես Սյունիքի և սյունեցիների անվտանգային խնդիրների դեմ ուղղված կանխամտածված գործողություն»:
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Ջերմուկ համայնքին կվերադարձվի 0.3 հա մակերեսով հողամաս
Աբու Դաբիի նավթային ընկերության երկու նավեր հարձակման են ենթարկվել Հորմուզի նեղուցում
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Մեղրին՝ ԱՊՀ մշակութային մայրաքաղաք․ սեպտեմբերին համայնքում կմեկնարկի միջազգային կինոփառատոն
Առաջին անգամ Հայաստանում՝ «Համերգ տոտալ մթության մեջ»
Կիևյան կամրջի աշխատանքներն ավարտվել են նախատեսվածից երկու շաբաթ շուտ
Հայաստանն ու Ղազախստանը քննարկել են ագրոոլորտում համագործակցությունը
ԵՄ-ն՝ Հայաստանի բարեփոխումների մասին․ առաջընթացին զուգահեռ դեռեւս խնդիրներ կան