Դատախազ. Սահակաշվիլին նախագահ եղած ժամանակ պետական միջոցների հաշվին «կրծքով նկարված նկար» է ձեռք բերել

Դատախազ Ամիրան Գուլուաշվիլին հայտարարել է, որ Վրաստանի նախագահ եղած ժամանակ Միխայիլ Սահակաշվիլին Պետական պահպանության հատուկ ծառայության հաշվին «կրծքով նկարված նկար» է ձեռք բերել։

Դատախազի խոսքով՝ այս նկարի համար վճարվել է 16 245 լարի։ Այն փոխարժեքով, որը եղել է Սահակաշվիլիի օրոք, գումարը կազմում է մոտ 10 000 դոլար, հայտնում է «Նովոստի-Գրուզիան»։

«Միխայիլ Սահակաշվիլին այդպիսի նկարներից մեկը դարձյալ գնել է Պետական պահպանության հատուկ ծառայության հաշվին, եւ այդ փաստաթղթերը նույնպես դասակարգված են որպես գաղտնի։ Սակայն դժվար է պատկերացնել, թե որն է գաղտնիքը»,- «Իմեդի» հեռուստաընկերության եթերում ասել է Գուլուաշվիլին:

Դատախազության ներկայացուցչի այս հաղորդագրությունը, որը Վրաստանի երրորդ նախագահին մեղադրում է պաշտոնեական դիրքի չարաշահման եւ պետական միջոցների յուրացման մեջ, մեկնաբանել է «Մտավարի» ընդդիմադիր հեռուստաընկերության հիմնադիր եւ Սահակաշվիլիի փաստաբան Նիկա Գվարամիան։

Նա սոցցանցում «Վրացական երազանք» իշխող կուսակցության կողմնակիցների շրջանում նման հաղորդումները «զանգվածային փսիխոզ» է անվանել եւ հետաքրքրվել է․ «Իսկ կուրծքը գործի մեջ կարվա՞ծ է որպես ապացույց»։

Այս թեմայով Սահակաշվիլին պատմել է, թե ինչպես է Թրամփը հարցրել իր կարծիքը նախագահի պաշտոնում առաջադրվելու մասին Սաակաշվիլին Հայաստանի և Ադրբեջանի ղեկավարներին կոչ է անում դիտարկել Ուկրաինայի և Մոլդովայի օրինակը Սաակաշվիլին հայտարարել է, որ ցանկանում է մահվանից հետո թաղվել Ուկրաինայում Սաակաշվիլին հրաժարվել է արյուն հանձնել քննության համար. Վրաստան Սաակաշվիլին այլեւս չի զբաղվի քաղաքականությամբ