Իրանը Պարսից ծոցում օտարերկրյա նավ է ձերբակալել
Իրանի Իսլամական հեղափոխության պահապանների կորպուսի ռազմածովային ուժերը Պարսից ծոցի ջրերում օտարերկրյա նավ են ձերբակալել վառելիքի մաքսանենգության փորձի համար, հայտնում է իրանական պետական հեռուստատեսությունը, փոխանցում է «ՌԻԱ Նովոստի»-ն:
Հեռուստաալիքի տվյալներով՝ նավը ձերբակալել է երկրի հարավում գտնվող Հորմոզգան նահանգի ափերի մոտ։ Հաղորդվում է, որ զինվորականները 150 հազար լիտր վառելիք են առգրավել, նավի անձնակազմի 11 անդամների նկատմամբ հետաքննություն է սկսվել։