Սաակաշվիլիին Թբիլիսիից տեղափոխել են Գորի քաղաքի զինվորական հոսպիտալ

Վրաստանի նախկին նախագահ Միխեիլ Սաակաշվիլիին տեղափոխել են Գորի քաղաքի զինվորական հոսպիտալ, որը գտնվում է Թբիլիսիից 80 կմ հեռավորության վրա, գրում է «Նովոստի-Գրուզիա»-ն։

Սաակաշվիլիին Գորի են բերել շտապօգնության ավտոմեքենայով։ Շտապօգնության երկու ավտոմեքենաներից եւ մոտ 10 մեքենաներից բաղկացած շարասյունը Թբիլիսիի Գլդանի թաղամասի թիվ 18 բանտից Գորիի հիվանդանոց է հասել մեկ ժամում։ Ամբողջ գործընթացն անցել է առանց միջադեպերի։
Սահակաշվիլիի թեւաշենքի պատուհաններին ճաղավանդակներ են տեղադրված։ Բացի այդ, կենցաղային շենքը շրջապատված է ավտոբուսներով, որպեսզի լրագրողները չմոտենան դրան։ Հիվանդանոցի մուտքերի մոտ ոստիկաններ են:

Սաակաշվիլիի` բաժանմունք տեղափոխելուց անմիջապես հետո նրա ներկայացուցիչները հայտնել են, որ Առողջապահության նախարարությունը խախտել է խոստումը, ըստ որի՝ նախկին նախագահի անձնական բժիշկ Նիկոլոզ Կիպշիձեն, նրա փաստաբաններ Նիկա Գվարամիան եւ Դմիտրի Սաձագլիշվիլին եւ նրա մայրը՝ Ջուլի Ալասանիան, պետք է դիմավորեին նրան հիվանդանոցում: Սակայն, երբ Սաաաշվիլին բերեցին հիվանդասենյակ, նրանք հիվանդանոցի մոտ էին. նրանց թույլ տվեցին շենք մտնել շարասյունի ժամանումից 15 րոպե անց:

Վերջին երկու օրերին Վրաստանի նախկին նախագահը ծանր վիճակում գտնվում էր բանտային կլինիկայի վերակենդանացման բաժանմունքում։

Երբ իշխանությունները որոշեցին Սաակաշվիլիին տեղափոխել հիվանդանոց, նա հայտարարեց, որ դադարեցնում է հացադուլը, որը տեւել է 50 օր, Գորիում նա պետք է հացադուլից ապաքինման շրջան անցնի։ Ընդդիմությունը խոստացել է հիվանդանոցի մոտ բողոքի ցույցեր չանցկացնել։

Այս թեմայով Սահակաշվիլին պատմել է, թե ինչպես է Թրամփը հարցրել իր կարծիքը նախագահի պաշտոնում առաջադրվելու մասին Սաակաշվիլին Հայաստանի և Ադրբեջանի ղեկավարներին կոչ է անում դիտարկել Ուկրաինայի և Մոլդովայի օրինակը Սաակաշվիլին հայտարարել է, որ ցանկանում է մահվանից հետո թաղվել Ուկրաինայում Սաակաշվիլին հրաժարվել է արյուն հանձնել քննության համար. Վրաստան Սաակաշվիլին այլեւս չի զբաղվի քաղաքականությամբ