Սաակաշվիլի․ եթե ԱՄՆ-ն ինձ չպաշտպանի, դա սարսափելի ազդանշան կլինի տարածաշրջանի բոլոր արեւմտամետ առաջնորդների համար
Եթե ԱՄՆ-ն ինձ չպաշտպանի, դա սարսափելի ազդանշան կլինի տարածաշրջանի բոլոր արեւմտամետ առաջնորդների համար։ Այս մասին ասվում է Վրաստանի նախկին նախագահ Միխայիլ Սաակաշվիլիի՝ Bloomberg-ին ուղարկված նամակում։
Գործակալության տվյալներով՝ Սաակաշվիլին գրում է նաեւ, որ հոկտեմբերին՝ ընտրություններից առաջ, նա վերադարձել է Վրաստան, քանի որ «ռուսական խաղերի» եւ վրացական կառավարության հայտարարությունների համադրությունը համոզել է իրեն, որ երկիրը հրաժարվում է ԵՄ-ին եւ ՆԱՏՕ-ին անդամակցելու նպատակից, հայտնում է Ինտերպրեսնյուզը։
Բացի այդ, Սաակաշվիլին գրել է, որ բանտում իրեն ծեծի են ենթարկել եւ քարշ տվել ասֆալտով։ Նրա խոսքով՝ Վրաստանի իշխանությունը հրաժարվել է իրեն տեղափոխել քաղաքացիական հիվանդանոց, փոխանցել հեռախոս կամ հնարավորություն տալ ներկա գտնվել դատական նիստին։