Վրաստանի իշխանությունները թույլ են տալիս Սաակաշվիլիի տեղափոխումը զինվորական հոսպիտալ
Վրաստանի իշխանությունները թույլ են տալիս երկրի նախկին նախագահ Միխեիլ Սաակաշվիլիի տեղափոխումը Գորի քաղաքի զինվորական հոսպիտալ, որը գտնվում է պաշտպանության նախարարության ենթակայության տակ։ Այս մասին այսօր լրագրողների հետ հանդիպման ժամանակ հայտարարեց Վրաստանի արդարադատության նախարար Ռատի Բրեգաձեն, հայտնում է «Նովոստի-Գրուզիա»-ն։
«Առաջարկում ենք նրան տեղափոխել ՊՆ Գիորգի Աբրամիշվիլիի անվան զինվորական հոսպիտալ։ Դա այն վայրն է, որտեղ նրա առողջությունն ու կյանքը առավելագույնս պաշտպանված կլինեն պետության կողմից»,- ասել է Բրեգաձեն։
Նա հավելել է, որ տեղափոխության որոշումը պետք է կայացնի անձամբ Սաակաշվիլին։ Նա նաեւ նախազգուշացրել է, որ «ընդդիմախոսների կողմից ցանկացած սադրանքի դեպքում», որը կարող է խանգարել տեղափոխման ընթացակարգին կամ բուժանձնակազմի աշխատանքին, Սաակաշվիլիին անմիջապես կվերադարձնեն բանտային հիվանդանոց։
Նոյեմբերի 18-ին՝ հացադուլի 49-րդ օրը, Սահակաշվիլին Գլդանիի բանտի հիվանդանոցում կորցրել էր գիտակցությունը, որից հետո տեղափոխվել վերակենդանացման բաժանմունք։ Քրեակատարողական հիմնարկի բժիշկներին հաջողվել է կայունացնել նրա վիճակը։
Միաժամանակ, Վրաստանի օմբուդսմենի հովանու ներքո ստեղծված բժիշկ-փորձագետների խումբը հայտարարել է, որ երկարատեւ հացադուլի պատճառով Սահակաշվիլիի մոտ լուրջ բարդություններ են սկսվել, եւ հիվանդը կարող է կոմայի մեջ ընկնել։ Նրանք Վրաստանի իշխանություններին կոչ են արել Սաակաշվիլիին անհապաղ տեղափոխել բարձր տեխնոլոգիական բազմապրոֆիլային հիվանդանոց՝ ուղեղի հետազոտության համար։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը