Մեքսիկայում երկրաշարժի զոհերի թիվը հասել է 26-ի

Առնվազն 26 մարդ է մահացել Մեքսիկայի հարավային ափում տեղի ունեցած երկրաշարժի հետևանքով, հաղորդում է «Ռոյթերզը»՝ նշելով, որ կան ավերածություններ։

Շուրջ 2 միլիոն մարդ մնացել է առանց էլեկտրականության Ստորգետնյա ցնցումների ուժգնությունը կազմել է 8.2 բալլ, որը զգացել է 50 միլիոն մարդ։

Մեքսիկայի նախագահ Էնրիկե Պենյա Նիետոն հայտարարել է, որ վերջին 100 տարվա ընթացքում սա ամենաուժեղ երկրաշարժն էր երկրում։

Մեքսիկայում, ինչպես նաև Էկվադորում, Կոստա-Ռիկայում, Նիկարագուայում, Պանամայում և Հոնդուրասում օդերևութաբանները փոթորիկի վտանգ են կանխատեսում։