Եկել ենք Գորիսի ընտրությունների արդյունքները վերջնականապես ամփոփելու համար. Մենուա Հովսեփյանը՝ դատարանի բակում
Եկել ենք ճշմարտությանն աջակցելու եւ մեր համայնքի ընտրությունների արդյունքները վերջնականապես ամփոփելու համար: Այս մասին, այսօր՝ նոյեմբերի 5-ին, Սյունիքի մարզի ընդհանուր իրավասության դատարանի Գորիսի նստավայրի մոտ NEWS.am-ի թղթակցի հետ զրույցում նշեց Գորիսի փոխքաղաքապետ Մենուա Հովսեփյանը:
Նշենք, որ այս պահին դատարանում ընթանում է Գորիսի նորընտիր համայնքապետ Առուշ Առուշանյանի գործով դատավարությունը: Պաշտպանները մտադիր են նրա խափանման միջոցը փոխելու հարց բարձրացնել:
«Ակնկալում ենք արդարադատություն, արդարության վերականգնում, թող արդարությունը ջրի երես դուրս գա եւ վերջ տրվի ամիսներ շարունակվող այս գործընթացին, որը մեղմ ասած ապօրինի է»,-ասաց նա:
Անդրադառնալով նրան, որ նկատմամբ եւս մեղադրանքներ են առաջադրվել, Հովսեփյանն ասաց. «Հումորով եմ վերաբերվում: Արդեն նախաքննությունն ավարտվել է, դատական պրոցեսի մեջ ենք: Կալանավորումից ազատ արձակվելուց հետո երեկ է եղել իմ առաջին դատը, հաջորդը կլինի դեկտեմբերի 10-ին»:
Հիշեցնենք՝ ըստ ՀՔԾ հաղորդագրության՝ Սյունիքի մարզի Գորիս համայնքի ղեկավար Առուշ Առուշանյանը «Հայաստան» դաշինքի օգտին առավելագույն քվեներ ապահովելու եւ ընտրություններում ցանկալի արդյունք արձանագրելու անձնական եւ խմբային շահերից ելնելով` նախապատրաստել է ծանր հանցագործություն, այն է` երկու եւ ավելի ընտրողի կաշառք տալը:
Ըստ Առուշանյանի պաշտպանների՝ մեղադրանքի հիմքում Լուսինե Ավետյանի մեղադրական բնույթի ցուցմունքն է։ Հիշեցնենք, որ այս քրեական գործով սկզբում կալանավորված էր Ավետյանը, ինչպես պաշտպաններն են պնդում, նրա ցուցմունքից հետո որպես մեղադրյալ ներգրվեցին Առուշանյանին։ Առուշ Առուշանյանի՝ կալանքի տակ հայտնվելուց հետո Ավետյանն ազատ էր արձակվել։
Նշենք, որ Առուշ Առուշանյանը հոկտեմբերի 17-ին կայացած ՏԻՄ ընտրություններում վերընտրվել է Գորիսի համայնքապետ:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս