Պետքարտուղարությունը հերքում է Սան Ֆրանցիսկոյում ՌԴ հյուպատոսությունում խուզարկությունների անցկացումը
ԱՄՆ Պետքարտուղարությունը հերքում է Սան Ֆրանցիսկոյում իշխանությունների կարգադրութմաբ փակված ՌԴ հյուպատոսարանի խուզարկության կամ շենքին վնաս հասցնելու մասին լուրերը։ Այս մասին հայտարարել է Պետքարտուղարության ներկայացուցիչը, փոխանցում է «ՌԻԱ Նովոստի»-ն:
Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան հայտարարել էր, որ Սան Ֆրանցիսկոյում հյուպատոսությունում ամերիկացի ներկայացուցիչները «անհասկանալի աշխատանքներ են իրականացնում, ինչ-որ բան են սղոցում եւ տաշում՝ ընթացքում վնաս պատճառելով պատմական ինտերիերին»: Նրա խոսքով՝ ՀԴԲ գործակալները զննել են բոլոր անկյունները եւ բացել են առաստաղի ծածկերը: Նա նշել էր, թե «այն, ինչը ԱՄՆ Պետքարտուղարությունում «զննում» կամ «տեսչական ստուգում» են անվանում, իրականում ապօրինի ներխուժում է ռուսական դիվանագիտական շենք, որն ուղեկցվել է նրանց փաստացի խուզարկությամբ՝ նկուղներից մինչեւ ձեղնահարկ»: Նա հայտարարել էր, որ ԱՄՆ հատուկ ծառայությունների գործակալները զբոսնում են շենքի տանիքում:
«Ռուսաստանի կառավարության մեղադրանքները, որ ԱՄՆ պաշտոնատար անձինք խուզարկել են կամ վնասել Սան Ֆրանցիսկոյում գլխավոր հյուպատոսությունը կամ որեւէ այլ շենք, ճշմարիտ չեն: Ինչպես ավելի վաղ Ռուսաստանի կառավարությանը հայտնել էինք, մենք հյուպատոսության բնակարաններում ապրող ռուսներին թույլ կտանք մնալ մինչեւ հոկտեմբերի 1-ը, որպեսզի իրենց իրերը հավաքելու ժամանակ ունենան: Սա մեզանից պահանջում է սահմանափակել հասանելիությունը հյուպատոսության շենքի ոչ բնակելի հատվածներին»,- ասել է նա:
«Այս շաբաթ մենք պայմանագրային աշխատողների ենք բերել, որպեսզի միջնապատ կառուցեն շենքի գրասենյակային եւ բնակելի տարածքների միջեւ եւ ապահովեն գրասենյակների ու հյուպատոսության տանիքում կից կառույցների անխաթարությունը: Պետքարտուղարությունը Ռուսաստանի կառավարությանը տեղեկացրել է այս շինարարական աշխատանքների անհրաժեշտության մասին մինչ դրանք սկսելը, եւ ռուսաստանցի պաշտոնատար անձանց հրավիրել է հետեւելու իրականացվող աշխատանքներին: Այն ներկայումս ավարտվել է»,- ասել է Պետքարտուղարության ներկայացուցիչը:
Նա հաստատել է, որ, ինչպես նախկինում, շենք կարող են մտնել Պետքարտուղարության թույլտվությամբ: Նրա խոսքով՝ Պետքարտուղարությունը «շենքը պահպանում է Վիեննայի կոնվենցիայի, ԱՄՆ օրենքների եւ երկկողմանի համաձայնագրերի համաձայն»:
Հայաստանում ԱՄՆ դեսպանատունը զգուշացնում է
ԱՄՆ-ն հարվածել է խոշոր զինամթերքի պահեստի
Այսօրվանից վերսկսվում են Կապան-Երևան-Կապան թռիչքները․ Խուդաթյան
Մի խաբեք մարդկանց. Արցախը վերադարձնելու հարցում մենք որեւէ դաշնակից չունենք
Արաղչին առաջարկել է տարածաշրջանից հեռացնել ամերիկյան զորքերը
Ինչու Սպերցյանը չտեղափոխվեց Պորտու
Wildberries-ը Երևանում բացել է նոր լոգիստիկ համալիր՝ օրական մինչև 500 հազար ապրանքի թողունակությամբ
Զաբել տատն իր 100-ամյա հոբելյանը կյանքի ամենաերջանիկ օրերից մեկն է համարում. հարազատները ծննդյան օրն...
Դասերը կվերսկսվեն առկա ձևաչափով վաղվանից՝ մարտի 31-ից․ Հայաստանի ամերիկյան համալսարան
Աջակցությունը կազմում է 50%՝ առավելագույնը 1-1.5 մլն դրամ՝ կախված սերտիֆիկատի տեսակից․ Գևորգ Պապոյան...