Վրաստանի առողջապահության նախարար. Բանտի հիվանդանոցը հարմար է Սաակաշվիլու բուժման համար
Գլդանի թիվ 18 բանտի հիվանդանոցը համապատասխանում է Վրաստանի նախկին նախագահ Միխայիլ Սաակաշվիլու բուժմանն անհրաժեշտ բոլոր պայմաններին, ասել է առողջապահության նախարար Եկատերինա Թիկարիձեն, տեղեկացնում է Sputnik-Գրուզիան։
Սաակաշվիլին արդեն 26-րդ օրն է՝ հացադուլ է անում։ Բանտարկյալի անձնական բժիշկները անհանգստանում են նրա առողջության համար եւ պահանջում հոսպիտալացնել Սաակաշվիլուն քաղաքացիական բազմապրոֆիլ կլինիկայում։ Իր հերթին, Վրաստանի արդարադատության նախարարությունն առաջարկում է պացիենտին տեղափոխել Գլդանի թիվ 18 բանտի հիվանդանոց։ Նախկին նախագահի փաստաբաններն անհանգստանում են նրա անվտանգության համար, եթե նրան տեղափոխեն բանտի հիվանդանոց։
Նախարարի խոսքով՝ Բժշկական եւ դեղաբանական գործունեության կարգավորման գործակալության ներկայացուցիչներն այսօր կզննեն բանտի հիվանդանոցը եւ եզրակացություն կտան, թե որքանով է այն պատրաստ ապահովելու ոչ միայն պացիենտ Սաակաշվիլու, այլեւ մյուս բանտարկյալների անվտանգությունը։
«Կարգավորող գործակալությունը առաջադրանք է ստացել. այսօր նրանք կգնան քրեակատարողական հիվանդանոց եւ կստուգեն, թե որքանով է այն պատրաստ ընդունելու եւ ապահովելու ոչ միայն պացիենտ Սաակաշվիլու, այլեւ մյուս բանտարկյալների անվտանգությունը։ Նրան այլ կլինիկա տեղափոխելու ոչ մի անհրաժեշտություն չկա»,- ասել է նախարարը։
Միխայիլ Սաակաշվիլին Ուկրաինայից գաղտնի ժամանել է Վրաստան սեպտեմբերի 29-ին եւ հոկտեմբերի 1-ին կալանավորվել է Թբիլիսիում։ Վրաստանում Սաակաշվիլին անցնում է մի քանի քրեական գործերով եւ ներկայում պահվում է Ռուսթավիի բանտում։ Իր կալանավորումը Սաակաշվիլին համարում է անօրինական, իրեն՝ քաղբանտարկյալ, իսկ մեղադրանքները՝ կեղծ։ Նա հացադուլ է հայտարարել կալանավորման օրը՝ պահանջելով ազատ արձակել իրեն։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ