Ադրբեջանն ամեն ինչ անում է ԵԱՀԿ երեւանյան գրասենյակը փակելու համար.ԱՄՆ-ը մտահոգ է
Մենք շատ մտահոգված ենք Երեւանում ԵԱՀԿ գրասենյակի շուրջ ստեղծված իրավիճակով։ Այս մասին հայտնել է ԵԱՀԿ-ում ԱՄՆ գործերի ժամանակավոր հավատարմատար Քեյթ Բերնեսը Վիեննայում կազմակերպության մշտական խորհրդի նիստի ժամանակ։
Նրա խոսքով, այդ գրասենյակը, ինչպես ԵԱՀԿ բոլոր առաքելություններն ու կառույցները , կարեւոր տարր է ԵԱՀԿ պարտականությունների իրականացման գործում մասնակից երկրների աջակցությանն ուղղված՝ կազմակերպության աշխատանքում։ «Եթե Երեւանում գրասենյակը հարկադրաբար փակվի, դա վատ կանդրադառնա Ադրբեջանի ու ԵԱՀԿ պարտականություններին ադրբեջանական կառավարության հանձնառության վրա։ Մենք կոչ ենք անում Ադրբեջանին գործել կառուցողական՝ հնարավորինս շուտ փոխզիջումային լուծում գտնելու համար, ինչը թույլ կտա չփակել Երեւանում ԵԱՀԿ գրասենյակը։
Ավելի վաղ հայտնել էինք, որ Ավստրիայի նախագահությամբ Մշտական խորհրդի նիստի ժամանակ հայտարարվել է, որ մի երկիր (ենթադրվում է՝ Ադրբեջանը) մտահոգություն է հայտնել, որ ԵԱՀԿ-ի երեւանյան գրասենյակը զբաղված է իր մանդատին չհամապատասխանող գործունեությամբ: Հայաստանի արտգործնախարար Էդվարդ Նալբանդյանը, մեկնաբանելով այդ հայտարարությունը, ասել էր ․ «Հարցը ականազերծման ծրագրին է վերաբերում: Իրականում դա ոչ թե ականազերծման ծրագիր է, այլ ուսուցողական, որը ոչ մեծ ծրագիր է: Խոսքը թրենինգի մասին է, այլ ոչ թե ականազերծման: ԵԱՀԿ-ը ստիպված էր տարածաշրջան առաքելություն ուղարկել, որից հետո հաշվետվություն ներկայացվեց, որ հայտարարություններն իրականությանը չեն համապատասխանում: Չնայած դրան, Ադրբեջանը շարունակեց համառել եւ հեռու գնաց՝ հայտարարելով, որ գրասենյակը չպետք է զբաղվի «Ադրբեջանի շահերը խախտող» գործունեությամբ»- նշել է Նալբանդյանը։ Նրա խոսքով, ԵԱՀԿ երեւանյան գրասենյակի գործունեությունը սահմանափակելու փորձերը հանգեցրել են նրան, որ Ադրբեջանը իրեն հակադրել է կազմակերպությանը ու հայտնվել անհեթեթ դրության մեջ։
Ես անձնապես ափսոսում եմ, որ ԵԱՀԿ երևանյան գրասենյակի առաքելությունը չի շարունակվելու
Ադրբեջանը ստորացրեց ԵԱՀԿ-ին. երեւանյան գրասենյակը փակվում է 
Լավորվը ԵԱՀԿ նախագահից ԼՂ հարցում ակնկալիքներ ունի
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...