Վազգեն Ռաֆայելյանի շինությունը քանդելու ժամանակ քաղաքապետարանի աշխատակիցների մեծ մասը հարբած էին. փաստաբան (տեսանյութ)
Շինությունը կառուցված է համայնքային սեփականություն հանդիսացող հողի վրա եւ ինքնակամ շինություն է. դիմել ենք քաղաքապետարան օրինականացնելու համար, նաեւ քաղաքապետարանը վարչական տույժի է ենթարկել քաղաքացուն՝ 400 հազար դրամի չափով, դա վճարվել է: Այս մասին NEWS.am-ի հետ զրույցում նշեց փաստաբան Հասմիկ Մարտիրոսյանը, ով երեխաների ներկայությամբ ոստիկանների կողմից բռնի ուժով բերման ենթարկված Վազգեն Ռաֆայելյանի շահերի ներկայացուցիչն է:
«Երկրորդ անգամ են վարչական տույժի ենթարկել, այդ որոշումը վիճարկվում է դատարանում: Քանդման որոշումը եւս վիճարկվում է վարչական դատարանում: Միջնորդել ենք միջանկյալ միջոց կիրառել եւ չքանդել շինությունը, որը սակայն մերժվել է:
Կա կառավարության որոշում, որը քաղաքացուն թույլ է տալիս համայնքային հողի վրա կառուցել ինքնակամ շինություն, եթե դա չի խոչընդոտում երրորդ անձանց շահերին, եւ որեւէ ենթակառուցվածքների չի խոչընդոտում: Այս շինությունը որեւէ սահմանափակման տակ չի մտնում, այն 50 քմ տարածքով շինություն է, որի մի մասում բնակվում էր Վազգենն իր երեխաների հետ, մյուս մասում ավտոպահեստամասերի առքուվաճառքով: 4 տարի է, որ այս կառույցը կա, հետեւից մասում մի փոքր մաս մեկ տարի առաջ է կառուցվել: Գործը դատարանում է ապրիլ-մայիսից:
Երեկ ինձ քաղաքապետարանից զանգում, ասում են, որ մոտենամ, որ պետք է իրականացնեն քանդման աշխատանքներ: Ես վերադասությամբ բողոք եմ ներկայացնում այդ ակտի դեմ: Ինձ տեղում ասում են, որ այդ որոշումը ենթակա է անհապաղ կատարման:
Ես ասացի, որ դուք պարտավոր եք քաղաքացուն ծանուցել, ժամանակ տալ, եթե իրավական պաշտպանության մեխանիզմներ չենք ունենա, նոր կքանդեք: Բացի այդ, քանդելու համար լիցենզավորված կազմակերպություն պետք է լինի, որը քանդի, ոչ թե ավերի: Օրինակ, եթե մեքենաս սխալ տեղ եմ կայանել, պետք է կոտրե՞ք, թե կանչեք ոստիկանություն եւ տարհանեք»,-ասաց փաստաբանը:
«Ինձ ասում են՝ քեզ ոչինչ չունենք ասելու: Հետո ոստիկանն էնտեղից ասում է՝ արա, վերջ, քաշեք դուրս քցեք, քանդեք: Վազում են Վազգենի մոտ, որի գրկին երեխան է: Երեխային դուրս են քաշում, Վազգենին պատուհանից դուրս են շպրտում: Ասում են՝ թեւերը քաշեք, գլուխը մտցրեք ավազի մեջ, կանդալները բերեք: Երեխաները գոռում են, տրակտորն է արդեն մոտեցել:
Փոքրիկ երեխան արդեն այդ պահին անմիզապահություն ունեցավ: Այսօր արդեն իմացանք, որ երեխաներից մեկը ամբողջ գիշեր չի քնել, ունեցել է ցնցումներ, փսխում, տեղափոխվել է հիվանդանոց»,-ասաց նա:
Փաստաբանը տեղեկացրեց, որ արդեն իրեն են միացել շատ փաստաբաններ, ՀՔԾ բողոք են ներկայացրել, նաեւ ոստիկանապետին են բողոք ներկայացնելու:
«Հետեւողական ենք լինելու, որ սա ստանա արժանի գնահատական: Քաղաքապետարանի աշխատակիցների մեծ մասը հարբած էին: Ես հոտն էլ եմ զգացել, վարքագծից էլ եմ զգացել: Պետք է խմեին, որ այսպիսի վայրագություն անեին»:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...