«Դա մեծ սիրո պատմություն է». Սաակաշվիլին պատասխանել է անձնական կյանքի մասին հարցերին

Վրաստանի նախկին նախագահ Միխայիլ Սաակաշվիլին պատմել է անձնական կյանքի, այդ թվում՝ Ուկրաինայի Գերագույն ռադայի պատգամավոր Ելիզավետ Յասկոյի հետ հարաբերությունների մասին ֆեյսբուքյան իր էջում, գրում է Sputnik Գրուզիա-ն:

Սաակաշվիլին բերման է ենթարկվել Վրաստանում հոկտեմբերի 1-ին, նա գտնվում է Ռուսթավիի №12 բանտում: Վրաստանում մի քանի քրեական գործ է հարուցված նրա դեմ: Սաակաշվիլին ունի Ուկրաինայի քաղաքացիություն:

Նախկին նախագահի խոսքով՝ նա եւ Լիզա Յասկոն արդեն վաղուն ապրում են միասին:

«Բոլոր նրանց համար, ում հետաքրքիր է իմ անձնական կյանքը: Ներկայում ես շատ ավելի կարեւոր պայքարի մեջ են ներգրավված, քան իմ անձնական կյանքն է: Սակայն այդ թեմայի շուրջ բազում հարցեր են տրվել, ցանկանում եմ պատասխանել, որ իմ բոլոր նախկին հարաբերություններն ավարտված են: Մենք Լիզայի հետ վաղուց են կապել մեր կյանքերն ու բազմաթիվ ամիսներ ապրում ենք միասին՝ որպես լիիավ զուգընկերներ: Դա մեծ սիրո պատմություն է, եւ ես երջանիկ եմ»,-գրել է Սաակաշվիլին:

«Ես խնդրում եմ հարգել իմ, ինչպես նաեւ Լիզայի անձնական կյանքը: Ես նրան հարգում եւ եւ երախտապարտ եմ անհավանական համատեղ կյանքի համար»,,-նշել է Սաակաշվիլին:

Նրա խոսքով՝ նա ամբողջովին կենտրոնացրել է իր ուշադրությունը պայքարի շուրջ, շարունակում է հացադուլն ու լի է վճռականությամբ սկած գործն ավարտին հասցնելու համար:

Նրանց հարաբերությունների մասին հայտնի էր դարձել Սաակաշվիլիի կալանավորման օրը՝ հոկտեմբերի 1-ին, նրա տարածած տեսանյութից: Նախկին նախագահը հայրենիքում դատապարտվել է վեց տարվա ազատազրկման, եւս մի քանի դատավարություն նրա նկատմամբ դեռեւս ընթացքի մեջ է: Դատախազությունը հայտարարում է, որ Սաակաշվիլիին Ուկրաինա արտահանձնելու հարցը չի քննարկվում եւ նա ստիպված կլինի բանտարկման ժամկետն անցկացնել հայրենիքում: