Թեհրանը մտադիր չէ կախվածություն ունենալ Ռուսաստանից, հայտարարել է Իրանի ԱԳ նախարարը
Իրանը չի պատրաստվում կախվածություն ձեռքբերել Ռուսաստանից ու Չինաստանից, սակայն նա իրականացնում է արտաքին քաղաքականություն՝ երկու կողմերի շահերից ելնելով, կիրակի հայտարարել է Իրանի ԱԳ նախարար Հոսեյն Ամիր Աբդոլախիանը, հաղորդում է ՌԻԱ Նովոտսի-ն:
«Մենք չենք ցանկանում Իրանը դարձնել կախյալ Ռուսաստանից ու Չինաստանից, սակայն վարում ենք մեր արտաքին քաղաքականությունն ի շահ երկու կողմերի անկախ հանգամանքից՝ ցանկացած երկիր քանի գաղափար եւ նախաձեռնություն ունի: Մենք, բնականաբար, ողջունում ենք այդ գաղափարները»,- ISNA գործակալությունը մեջբերում է Աբդոլախիանի խոսքերը:
ՌԴ-ն ու Չինաստանն իրականացնում են լայնածավալ առեւտրա-տնտեսական եւ քաղաքական համագործակցություն Թեհրանի հետ: Վերջին տարվա ընթացքում Չինաստանը ներկրել է 17,8 միլիոն տոննա հում նավթ Իրանից: Տարեսկզբին Թեհրանն ու Պեկինը ստորագրել են համաձայնագիր 25 տարով, որով Չինաստանը պարտավորվում է ներդնել 400 միլիարդ դոլար նավթի կայուն մատակարարման համար: Ռուսաստանն արդեն մի քանի տարի զբաղվում է Բուշերում իրանյան ԱԷԿ-ի կառուցմամբ, օգնում է երկրին COVID-19-ի դեմ պայքարում: Ռուսաստանի, Իրանի ու Չինաստանի զինվորականները մասնակցում են համատեղ զորավարժություններում:
Սեպտեմբերի երկրորդ կեսում Շանհայի համագործակցության կազմակերպությունը հավանություն էր տվել Իրանի՝ անդամակցության մասին դիմումին, ինչը, բազմաթիվ փորձագետների կարծիքով, կմեծացնի Իրանի տարածաշրջանային դիրքերը, ինչպես նաեւ կընդլայնի համագործակցությունը ՇՀԿ-ի անդամ երկրների հետ, որոնց թվին են դասվում նաեւ Չինաստանն ու Ռուսաստանը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները