Իշխանությունների մոտ միայն ստացվում է հրապարակներում, նույնիսկ Եռաբլուրում թատերական տեսարաններ ձևավորել. Սեյրան Օհանյան
ԱԺ «Հայաստան» խմբակցության ղեկավար Սեյրան Օհանյանի խոսքով՝ ՀՀ իշխանություններն ավելի շատ խնդիրներ, իրավիճակի խստացումներ, ոստիկաններ է կենտրոնացնում երկրի ներսում, քան թե երկրի սահմաններն ամրապնդելու ուղղությամբ։
«Շատ լավ ստացվում է փողոցներում, հրապարակներում, նույնիսկ Եռաբլուրում ձևական, թատերական տեսարաններ ձևավորել, քան թե այդ նույն խստությունն իրականացնել ՀՀ սահմաններն ամրապնդելու ուղղությամբ։ Կոնկրետ եզարակցությունը վերաբերում է նույն պատերազմական գործողություններին, վերջին պատերազմական գործողությունների ժամանակ ոչ լիարժեք գնահատականների արդյունքում էր, որ մենք չկարողացանք պատերազմում հաղթել։ Այս առումով ՀՀ իշխանությունների անվտանգության միջավայրի փխրունության աստիճանի գնահատականները դեռևս մենք չունենք։ Նկատի ունեմ այն սպառնալիքները, որոնք կան տարածաշրջանում, հատկապես տարածաշրջանային լայն նկրտումներ ունեցող երկրների, թուրք-ադրբեջանական տանդեմի ծավալապաշտական և նաև Հարավային Կովկաս ներխուժման հետ կապված բոլոր խնդիրները»,- նշեց նա։
Նրա խոսքով՝ այս ծավալապաշտական քաղաքականությունն է ստիպել Իրանին, որպեսզի իրենց սահմաններին անվտանգության ապահովության ուղղությամբ զորավարժություններ անցկացնեն, ուժի ցուցադրմամբ, ինչո՞ւ չէ, նաև իրենց զորքերը ստուգելու, նաև համապատասխան հոգեբանական ազդեցություն իրականացնելու համար։
«Իրանն այն երկիրն է, որի հետ մենք ունենք դարավոր բարեկամական հարաբերություններ, նաև արտաքին աշխարհ դուրս գալու երկու ուղղություններից մեկն է, որի հետ մենք պարտավոր ենք անվտանգային, քաղաքական ու տնտեսական հարաբերություններ զարգացնել»,- հավելեց նա։
Ինչ վերաբերում է Սյունիքում տիրող իրավիճակին, Սեյրան Օհանյանը նախ տեղեկացրեց, որ ներկայիս ՀՀ իշխանությունը սահմանային իրավիճակում տիրող, հատկապես տեղադրական իրադրությունը կապում են վարչատարածքային բաժանման վերաբերյալ օրենքի հետ, ինչն իրենց համար անընդունելի է։
«Այդ օրենքը ներքին սպառման համար է, եթե նույնիսկ այդ օրենքը գոյություն ունի, ապա նոյեմբերի 9-ի կանգնեցրած պատերազմից հետո մենք իրավունք չունեինք այդ հատվածներում հանձնել թշնամուն այն կետերը, հատվածները, որոնք Ադրբեջանի ու Հայաստանի համար վիճելի է։ Նման իրավիճակում ես չեմ կարծում, որ հիմա պատերազմ կլինի»,- նշեց Սեյրան Օհանյանը։
Մանրամասները՝ տեսանյութում
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են