Թուրքիայի աջակցությունը Ուկրաինայի «ամբողջականությանն եւ ինքնիշխանությանը» մնում է անփոփոխ. Չավուշօղլու
Ուկրաինայի «ամբողջականությանն ու ինքնիշխանությանը» աջակցելու հարցում Թուրքիայի դիրքորոշումը մնում է անփոփոխ: Այս մասին հայտարարել է Թուրքիայի արտգործնախարար Մեւլութ Չավուշօղլուն Լվովում իր ուկրաինացի գործընկեր Դմիտրի Կուլեբայի հետ համատեղ ասուլիսում, հաղորդել է Anadolu-ն:
Նրա խոսքով՝ Թուրքիան եւ Ուկրաինան կապված են սերտ բարեկամական կապերով, երկրները համերաշխություն են ցուցաբերում բազմաթիվ հարցերում: «Մեր կապերը զարգանում են տարբեր ուղղություններով, ինչը չի կարող չուրախացնել: Երկու երկրների նախագահները տարեսկզբից երկու հանդիպում են անցկացրել», - հայտնել է նախարարը:
«Անկարան աջակցել եւ շարունակելու է աջակցել Ղրիմի պլատֆորմի նախաձեռնության խթանմանը: Թուրքիան հատկապես կարեւորում է Ղրիմի թաթարների իրավունքների թեման: Մինչեւ տարեվերջ, թուրքական կողմի աջակցությամբ, Ուկրաինայում կսկսվի Ղրիմի թաթարների համար տների կառուցումը... «Դոնբասում հակամարտությունը պետք է լուծվի՝ հաշվի առնելով Ուկրաինայի տարածքային ամբողջականությունը», - հայտարարել է Չվուշօղլուն: