«Անթույլատրելի ենք համարում Ադրբեջանի տարածքից մեր տարածաշրջանում սիոնիստական ռեժիմի սադրիչ շարժը». Իրանի ԱԳ նախարարի հարցազրույցը «Ռոսիա 24»-ին
Իրանի արտգործնախարար Հոսեյն Ամիր Աբդոլլահիանը, Մոսկվա կատարած այցի շրջանակում հարցազրույց է տվել «Ռոսիա 24» հեռուստաալիքին, որում անդրադարձել է Հարավային Կովկասում հետպատերազմյան իրավիճակին:
Իրանցի դիվանագետն ընդգծել է, որ երկրի նոր վարչակազմի համար առաջնահերթություն են հարևանների՝ հատկապես Հայաստանի և Ադրբեջանի հետ հարաբերությունները:
«Հայաստանն ու Ադրբեջանը մեր լավ հարևաններն են, և մենք չենք կարող նրանցից մեկի հետ աշխատել ընդդեմ մյուսի: Մեր արտաքին քաղաքականությունը հավասարակշռված է»,-ասել է Աբդոլլահիանը՝ հավելելով, որ հնարավորության դեպքում կայցելի Բաքու և Երևան՝ որպես բարիդրացիության ժեստ:
«Ի՞նչն է մեզ անհանգստացնում Հարավային Կովկասում: Նախ, որոշ օտար ուժեր փորձում են ազդել այս տարածաշրջանի վրա` նրա սահմանները փոխելու, սահմանային անցումները փակելու կամ դրանք տեղափոխելու համար: Միաժամանակ, մենք նշում ենք ահաբեկիչների առկայությունը, որոնք այնտեղ հայտնվել են Ղարաբաղի պատերազմի ժամանակ: Մենք դա ասում ենք՝ առանց որևէ կերպ կասկածելու մեր հարևանների տարածքային ամբողջականության վրա: Մեզ հետ բանակցություններում Բաքվի պաշտոնական դեմքերը խոստացել են քայլեր ձեռնարկել տարածաշրջանն ահաբեկիչներից մաքրելու համար: Պետք է նշեմ նաև Ադրբեջանի տարածքից մեր տարածաշրջանում սիոնիստական ռեժիմի սադրիչ շարժը: Մենք դա անթույլատրելի ենք համարում: Այս ամենը մենք պետք է կարգավորենք բարեկամության և բարիդրացիության հիման վրա: Մենք Ադրբեջանի հետ կապված ենք մշակութային և պատմական հարաբերությունների հսկայական շերտով և չպետք է թույլ տանք, որ ԶԼՄ-ների հրապարակումները ստվեր գցեն դրանց վրա», - ասել է Աբդոլլահիանը:
«Մենք որոշ կոշտ հայտարարություններ համարում ենք ոչ կառուցողական, և կարծում ենք, որ եթե իրավիճակին մոտենանք խելամիտ և իմաստուն, ապա Ադրբեջանի և Հայաստանի հետ կկարողանանք լավ ուղի մշակել բոլոր խնդիրները միջազգային իրավունքի նորմերի հիման վրա լուծելու համար: Գլխավորը դրական տրամադրվածությունն է, ինչպես նաև տարածաշրջանում օտարերկրյա ուժերի կողմից միջամտության, Իսրայելի սադրանքների և ահաբեկիչների ներկայության թույլ չտալը»,-ամփոփել է նա:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ