Սիրիական բանակն ազատագրել է Դեյր Էլ Զորի հայկական գերեզմանատունը և շարունակում է գրոհը դեպի քաղաքի խորքերը

ՌԴ պաշտպանության նախարարութունը հայտարարել է, որ Սիրիայի կառավարական բանակը՝ ռուսական օդուժի աջակցությամբ, փորձում է վերջնականապես վերացնել Դեյր Էլ Զոր քաղաքի շրջափակումը:

Այս մասին տեղեկացնում է Սիրիայում գործող «Գանձասար» հայկական գործակալությունը՝ հավելելով, որ Դեյր Էլ Զորում «Իսլամական պետություն» խմբավորման պարտությունը Սիրիայում ահաբեկիչների պարտության գրավականը կդառնա:

Ռուսական պաշտպանական գերատեսչության հաղորդագրության մեջ նշվում է նաև, որ սիրիական բանակը, ազատագրելով Դեյր Էլ Զոր նահանգի արվարձանների մեծամասնությունը, շարժվում է դեպի քաղաք, որտեղ իսլամիստ գրոհայինները փոխադրել են իրենց ռազմատեխնիկան ու զինամթերքը:

Նշվում է նաև, որ վերջին 48 ժամում կառավարական ուժերին հաջողվել է ոչնչացնել նահանգում ԻՊ-ի խոշորագույն թաքստոցը, ռազմական գործողությունների ղեկավարման կենտրոնը և զրահամեքենաները: ԻՊ-ի գրոհայինները սկսել են նահանջել:

Բանակն ազատագրել է Դեյր Էլ Զորի հայկական գերեզմանատունը: Մարտեր են ընթանում քաղաքից 3 կմ հեռավորությամբ:

tert.am