Թուրքիայի և ԵՄ-ի միջև բանակցություններն իսկական անհեթեթություն են. Գերմանիայի ԱԳՆ

Գերմանիայի արտաքին գործերի նախարար Զիգմար Գաբրիելը հայտարարել է, որ Եվրամիության ու Թուրքիայի միջև բանակցություններն իսկական անհեթեթություն են։ Նա մեղադրել է Թուրքիայի նախագահ Ռեջեփ Թայիփ Էրդողանին Թուրքիան եվրոպական արժեքներից հեռացնելու համար:

Ինչպես հայտնում է թուրքական demokrathaber.org կայքը, Գաբրիելը նշել է, որ Գերմանիան էականորեն կնվազեցնի Թուրքիային տրամադրվող ֆինանսական օգնության չափն ու պարբերաբար զգուշացումներ կհղի իր քաղաքացիներին՝ չմեկնել այդ երկիր: Գերմանիայի ԱԳՆ ղեկավարը խորհուրդ է տվել նույն կերպ վարվել նաև ԵՄ անդամ այլ երկրների իշխանություններին:

Նշենք, որ Թուրքիայում շարունակում է կալանավորված մնալ Գերմանիայի 55 քաղաքացի, նրանցից 12-ը՝ քաղաքական հայացքների պատճառով:

Կալանքի տակ գտնվող Գերմանիայի քաղաքացիների թվում կան նաև Ստամբուլի կղզիներում ձերբակալված իրավապաշտպաններ, ինչպես նաև գերմանական DW հեռուստառադիոընկերության Թուրքիայի թղթակից Դենիզ Յուջելը, որի արտահանձնման հարցում Թուրքիան շարունակում է համառել:

tert.am