ԱՄՆ-ն ի վիճակի է վերացնել Հս. Կորեան. Պենտագոնի ղեկավար
Միացյալ Նահանգների ռազմական գերատեսչության ղեկավար Ջեյմս Մեթիսը, անդրադառնալով Կորեական թերակղզու շուրջ ստեղծված իրավիճակին, հայտարարել է, որ ԱՄՆ-ն չի ձգտում ամբողջությամբ վերացնել Հյուսիսային Կորեան՝ չնայած, որ նման հնարավորություններ ունի:
«Մենք չենք ձգտում որևիցե երկրի, մասնավորապես՝ Հյուսիսային Կորեայի ամբողջական վերացմանը: Ինչպես ես արդեն նշեցի, մենք բազում տարբերակներ ունենք դա անելու համար»,-հայտարարել է Մեթիսը Սպիտակ տանը նախագահ Դոնալդ Թրամփի հետ խորհրդակցության ավարտից հետո:
Պենտագոնի ղեկավարը հավելել է, որ Վաշինգտոնը պատրաստ է ռազմական միջոցներով պատասխանել ԱՄՆ-ին ու նրա դաշնակիցներին ուղղված սպառնալիքներին:
«Միացյալ Նահանգներին ու իր տարածքներին, այդ թվում նաև Գուամին, ինչպես նաև դաշնակիցներին ուղղված ցանկացած սպառնալիք կստանա ռազմական հզոր պատասխան»,-ասել է պաշտոնյան:
Աղբյուրը հիշեցնում է, որ ավելի վաղ նախագահ Թրամփը չի բացառել Հյուսիսային Կորեային հարվածելու հավանականությունը:
Ինչպես ավելի վաղ հայտնել էր Tert.am-ը, երեկ Հյուսիսային Կորեան հայտարարել է սեփական ջրածնային ռումբը ստեղծելու ու այն բարեհաջող փորձարկելու մասին: Հայտնի է, որ ռումբը նախատեսված է միջմայրցամաքային բալիստիկ հրթիռների համար: Ամերիկյան վերլուծաբանների կարծիքով՝ դեպքերի նման զարգացումը պետք է տագնապի ազդանշան լինի Արևմուտքի համար:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Մեղավոր է ճանաչվել Ռուսաստանի օգտին լրտեսության մեջ
9-21 կմ պետք է Ադրբեջանի տարածքով անցնենք, որ հասնենք Արծվաշեն. Սասուն Միքայելյան
Մայիսի 25-28-ը մի շարք փողոցներում նախատեսված են երթևեկության սահմանափակումներ
Այս տարի ունենք ավելի քան 22,000 շրջանավարտ. վաղը կհնչի վերջին զանգը
Հայաստանը առաջին անգամ հյուրընկալել է «Կոնկուրս Մոնդիալ դե Բրյուսել» գինու համտես-մրցույթը
Երեւանում եւս ժամանակ առ ժամանակ սպասվում է անձրեւ եւ ամպրոպ
Ռուսական գազի գինը Հայաստանի համար չի կարող թանկանալ
ՃՏՊ Երեւանի կենտրոնում` մահվան դեպքով
Մեկնարկել է Ռազմական սպորտի օրվան նվիրված փոխանցումավազքը