Արժեր․ Էրդողանը՝ Ս-400-երի գնման եւ ԱՄՆ-ի հետ հարաբերությունների վատթարացման մասին
Արժեր։ Ս-400-երի գնման ու ԱՄՆ-ի հետ հարաբերությունների վերաբերյալ նման կարծիք է Սոչիում ՌԴ նախագահ Վլադիմիր Պուտինի հետ հանդիպումից հետո հայտնել Թուրքիայի նախագահ Թայիփ Էրդողանը։
«Կարծում եմ, որ արժեր»,-ասել է Էրդողանը։ Նրա խոսքը մեջբերում է New York Times-ը։
Էրդողանի խոսքով՝ Թուրքիան դիտարկում է Ռուսաստանի հետ պաշտպանական արդյունաբերության ոլորտում համատեղ քայլերի հնարավորության մեծացումը, այդ թվում կործանիչների եւ սուզանավերի հետ կապված:
«Մենք հնարավորություն ունեցանք համակողմանիորեն քննարկել, թե ինչ քայլեր պետք է ձեռնարկվեն ինքնաթիռների շարժիչների արտադրության համար, ինչ քայլեր պետք է ձեռնարկվեն կործանիչների հետ կապված»,-հավելել է նա։