Հրետանի, զրահատեխնիկա, ԱԹՍ-ներ, ուղղաթիռներ. Իրանը նոր զինտեխնիկա է կուտակում Նախիջևանի հետ սահմանին. (տեսանյութ)
Իրանը ռազմական տեխնիկայի նոր խմբաքանակ է ուղարկում երկրի հյուսիս-արեւմուտք՝ Թուրքիայի և Նախիջևանի սահման։ Նախօրեին՝ կեսգիշերին մոտ, իրանական տելեգրամյան ալիքները հայտնեցին, որ Թուրքիայի օդային տարածքում Իրանի և Ադրբեջանի սահմանների մոտ գտնվում էին միանգամից երեք Bayraktar։
Իրանցի վերլուծաբաններն էլ սկսեցին քննարկել, թե իրանական ո՞ր հրթիռային բազաներն են վտանգավոր Ադրբեջանի համար։ Թավրիզից ոչ հեռու տեղակայված Իսլամական հեղափոխության պահապանների երկու հրթիռային բազաները, այդ թվում ՝ Սպահանի ռազմակայանը, բալիստիկ հրթիռների օգնությամբ կարող են ոչնչացնել Ադրբեջանի Հանրապետության ռազմաօդային ուժերը, այդ թվում ՝ Քյուրդամիր եւ Պոմպային բազաները (Բաքվից ոչ հեռու):
Պաշտոնապես հայտարարվեց, որ Իրանի զինված ուժերը հոկտեմբերի 1-ից զորավարժություն կսկսեն երկրի հյուսիսարևմտյան շրջաններում:
Իրանի բանակի ցամաքային ուժերի հրամանատար Քիոմարս Հեյդարին հայտարարել է, որ հոկտեմբերի 1-ին բանակը զորավարժություն է մեկնարկելու երկրի հյուսիսարևմտյան շրջաններում:
Զորավարժությունը կրելու է «Խայբարի նվաճողներ» անվանումը: Վարժանքներին ներգրավվելու են հրետանի, զրահատեխնիկա, ԱԹՍ-ներ, ուղղաթիռներ: Հեյդարին նշել է, որ երկրի հյուսիսարևմտյան և այլ շրջաններում վարժանքներն անցկացվում են զինված ուժերի մարտունակության աստիճանը ստուգելու, մարտունակությունը բարձրացնելու, զինտեխնիկան փորձարկելու նպատակով:
Ադրբեջանի նախագահ Իլհամ Ալիևը թուրքական Anadolu գործակալությանը տված հարցազրույցում զարմանք էր հայտնել Ադրբեջանի հետ սահմանին Իրանի զինված ուժերի կողմից անցկացվող զորավարժությունների առնչությամբ։ Ալիևին հուզում է, թե ինչու է Իրանը հենց հիմա ուժեր կուտակում սահմաններին։
Իրանի արտաքին գործերի նախարարության պաշտոնական ներկայացուցիչ Սաիդ Խաթիբզադեն էլ նախօրեին արձագանքել է Ալիևի հայտարարությանը` նշելով որ Իրանի հյուսիս-արևմտյան սահմաններին զորավարժության անցկացումը ինքնիշխանության հարց է։
Խաթիբզադեն նշել է, որ ԻԻՀ-ն չի հանդուրժելու իր սահմանների մոտ սիոնիստական ռեժիմի անգամ ցուցադրական ներկայությունը, և այդ առումով կձեռնարկի ցանկացած գործողություն, որն անհրաժեշտ կհամարի իր ազգային անվտանգության համար։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ