Հյուսիսային Կորեայի երկրաշարժից հետո միջուկային զենքի վեցերորդ փորձարկման մասին կասկածներ են առաջացել (ֆոտո)
Հյուսիսային Կորեայում գրանցվել է 5․6 մագնիտուդով երկրաշարժ։ Սեյսմոլոգների կարծիքով այդ սեյսմիկ իրադարձությունը կարող էր արհեստական ծագում ունենալ։ Հարավային Կորեան ու Ճապոնիան իրենց հերթին կասկածում են Փհենյանին միջուկային զենքի նոր՝ թվով վեցերորդ փորձարկումների անցկացման մեջ, հայտնում է ՌԲԿ-ն։
Ստորգետնյա ցնցումների մասին հաղորդագրություններից մի քանի ժամ առաջ Փհենյանը հայտնել էր ջրածնային ռումբ ստեղծելու մասին։
Ճապոնիայի վարչապետ Սինձո Աբեն հայտնել է, որ ստորգետնյա ցնցումները կարող էին առաջացած լինել հենց միջուկային փորձարկումների հետեւանքով։ Ազգային անվտանգության խորհուրդն առնվազն 3 օդանավ է ուղարկել հետախուզության։
Սեուլում նույնպես որոշել են Ազգային անվտանգության խորհուրդ գումարել։ Հարավային Կորեայի զորքերը բարձր մարտունակության վիճակի են բերվել։ Հարավկորեացի զինվորականները հակված են այն ենթադրությանը, որ ցնցումները կարող էին առաջացած լինել միջուկային փորձարկումների պատճառով, որոնք անցկացվել են Համգյոն- Պուկլտո նահանգի հրաձգարանում։
Reuters-ի տեղեկություններով՝ Չինաստանը հայտնել է, որ Կորեական թերակղզում 4․6 մագնիտուդով երկրորդ ցնցումն է գրանցվել։ Դա տեղի է ունեցել առաջին ցնցումից ութ րոպե հետո։
Lenta-ի համաձայն՝ ԱՄՆ ազգային երկրաբանական ծառայությունը նշել է, որ երկրաշարժը տեղի է ունեցել նույն վայրում, որտեղ մինչ այդ ԿԺԴՀ-ն անցկացրել էր միջուկային փորձարկումներ, ինչի կապակցությամբ էլ հնարավոր է համարվում, որ իրականում պայթյուն է տեղի ունեցել։
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Երևանի Կենտրոնում պետության սեփականության իրավունքն է վերականգնվել 51,9 քմ նկուղային տարածքի և հողամ...
Գանսուի թռչող ձին. չինական նահանգի հնագույն ժառանգություն
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Ուրումչիի մշակութային ուղին. Գրանդ բազար
Մահացել է աշխարհի չեմպիոն և «Միլանի» լեգենդ Ֆրանկո Բարեզին
ԿԳՄՍՆ-ն՝ ի գիտություն «Սևանի շուրջը» սիրողական հեծանվային արշավին մասնակցությամբ հետաքրքրվողների