Իրանցի վարորդներին Բաքվում կասկածում են լրտեսության մեջ
Ադրբեջանում Իրանի դեսպան Սեյեդ Աբբաս Մուսավին կրկին հանդիպել է նախագահի օգնական Հիքմեթ Հաջիևին: Օրեր առաջ Հաջիևն ու Մուսավին քննարկել էին երկկողմ հարաբերությունների վիճակը և ընդհանուր մտահոգող հարցեր:
«Մեկ շաբաթվա ընթացքում երկրորդ անգամ ես առիթ ունեցա հանդիպելու Ադրբեջանի Հանրապետության նախագահի օգնական Հիքմեթ Հաջիևի հետ: Մեր ջերմ զրույցների ընթացքում մենք քննարկեցինք ներկա իրավիճակը և ապագայի ծրագրերը, ինչպես նաև փոխադարձ հետաքրքրություն ներկայացնող այլ հարցեր», - գրել է իրանցի դիվանագետը Twitter-ի իր էջում:
Ինչպես արդեն տեղեկացրել ենք՝ Ադրբեջանի մաքսային պետական կոմիտեի և պետական սահմանապահ ծառայության աշխատակիցները Գորիս-Կապան ճանապարհին բերման են ենթարկել իրանցի վարորդներին: Ըստ ադրբեջանական լրատվամիջոցների նախնական տեղեկությունների, նրանք մեղադրվում են լրտեսության մեջ։
Հավելենք, որ այսօր էլ ՀՀ Ազգային ժողովի նախագահ Ալեն Սիմոնյանն է ընդունել ՀՀ-ում Իրանի Իսլամական Հանրապետության արտակարգ եւ լիազոր դեսպան Աբբաս Բադախշան Զոհուրիին:
Ըստ պաշտոնական հաղորդագրության, կողմերը անդրադարձել են Գորիս-Կապան միջպետական ճանապարհի Որոտան բնակավայրի մոտակայքում տիրող իրավիճակի լուծման աշխատանքներին, սակայն թե ինչ աշխատանքների մասին է խոսքը, չի նշվում։
Փաստացի, Իրանը գործի է դրել դիվանագիտական խողովակները՝ Բաքվում պահվող վարորդներին անհապաղ վերադարձնելու ուղղությամբ։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը