Քսենիա Սոբչակը հայտարարել է, որ մտադիր չէ քաղաքականությամբ զբաղվել
Հաղորդավարուհի Քսենիա Սոբչակը հայտարարել է նախագահի վարչակազմից անկախ լինելու մասին՝ ի պատասխան «Վեդեմոստի»-ի հրապարակման, որի համաձայն՝ 2018 թվականին կայանալիք նախագահական ընտրություններում նա Վլադիմիր Պուտինի «կատարյալ» հակառակորդը կլիներ։ Այս մասին նա գրել է Instagram-ի իր էջում։
Սոբչակը գրել է, որ չի պատրաստվում զբաղվել քաղաքականությամբ, սակայն կշարունակի հետեւել իրադրությանը։ «Ես անկախ մարդ եմ եւ քաղաքականության ու նման դժոխքի մեջ ինձ երբեք չեք տեսնի, ինչով շատ եմ հպարտանում։ Չգիտեմ, թե բարձր գրասենյակներում ով եւ ում է քննարկում, սակայն մեր քաղաքական լանդշաֆտին վաղուց եմ հետեւում»,- գրել է Սոբչակը։
Ավելի վաղ «Վեդոմոստի» պարբերականը, վկայակոչելով սեփական աղբյուրներին, հայտնել էր, որ Կրեմլում 2018 թվականին կայանալիք ՌԴ նախագահական ընտրություններում Պուտինի մրցակցի դերում 5-7 կանանց թեկնածություն է քննարկվում, որոնցից երեքն «Արդար Ռուսաստան»-ից են՝ Ռուսաստանի կանանց սոցիալ-դեմոկրատական միության նախագահ Նատալյա Վելիկայան, Ազգային ծնողական կոմիտեի առաջնորդ Իրինա Վոլինեցը եւ կուսակցության կենտրոնական խորհրդի անդամ Իրինա Պետելյաեւան։
Վարչակազմին մոտ կանգնած աղբյուրներից մեկի խոսքով՝ կատարյալ տարբերակ է նաեւ Քսենիա Սոբչակը։ Նա ներկայացնում է ժամանակակից երիտասարդ կնոջ կերպարը, որը կցանկանար հայտնվել քաղաքականության մեջ։
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Մեղավոր է ճանաչվել Ռուսաստանի օգտին լրտեսության մեջ
9-21 կմ պետք է Ադրբեջանի տարածքով անցնենք, որ հասնենք Արծվաշեն. Սասուն Միքայելյան
Մայիսի 25-28-ը մի շարք փողոցներում նախատեսված են երթևեկության սահմանափակումներ
Այս տարի ունենք ավելի քան 22,000 շրջանավարտ. վաղը կհնչի վերջին զանգը
Հայաստանը առաջին անգամ հյուրընկալել է «Կոնկուրս Մոնդիալ դե Բրյուսել» գինու համտես-մրցույթը
Երեւանում եւս ժամանակ առ ժամանակ սպասվում է անձրեւ եւ ամպրոպ
Ռուսական գազի գինը Հայաստանի համար չի կարող թանկանալ
ՃՏՊ Երեւանի կենտրոնում` մահվան դեպքով
Մեկնարկել է Ռազմական սպորտի օրվան նվիրված փոխանցումավազքը