Հրահանգը տված է՝ պետք է կոտրվի համայնքային դիմադրողականության միավորը. Էդգար Մակարյան

Մենք կանգնած ենք քաոսի իշխանության առաջ, իսկ դա ենթադրում է մի այնպիսի իրավիճակ, որթվում է, թե պետությունը կա, բայց իրականում չկա: Այս մասին, այսօր՝ սեպտեմբերի 2-ին, լրագրողների հետ հանդիպման ժամանակ նշեց Առուշ Առուշանյանին աջակցության հասարակական նախաձեռնության անդամ Էդգար Մակարյանը:

«Այո, ժամանակակից կյանքն ու նեոգաղութացման մեթոդներն այնպիսին են, որ երկիրը թվում է՝ կա, բայց գործնական ռումով չկա: Այսօր էլ ՀՀ-ում պետռական կառավարման համակարգը թվում է՝ կա, բայց գործնական առումով չկա: Այսինքն այն համակարգը, որ կա, ընդամենը դրածո է, եւ արտաքին ազդեցության գործակալների կողմից սպասարկում է հենց արտաքին ազդեցություններին: Այսօր պետական կառավարման հմակարգը պարալիզացված է եւ խնդիրը հասել է համայնքներին: Որովհետեւ համայնքներն այն բնական միավորներն են, համակարգերն են, որոնք հազարամյակներով առաջացել են, եւ դրանց վրա է հիմնվել պետականությունը: Հրահանգը տված է այնպես, որ պետք է կոտրվի համայնքային դիմադրողականության միավորը: Որովհետեւ դա կարող է վերածվել ազգային ազատագրական պայքարի, իսկ ազգային ազատագրական պայքարը այն միջոցն է, որից շան պես սարսռում են արտաքին ազդեցությունները եւ դրանց տեղական գործակալները»,-ասաց նա:

Հիշեցնենք, որ Գորիսի համայնքապետին մեղադրանք է առաջադրվել ՀՀ ՔՕ 35-154.2-րդ հոդվածի 4-րդ մասի 2-րդ կետով, 38-149-րդ հոդվածի 2-րդ մասի 4-րդ կետով եւ 38-154.2-րդ հոդվածի 3-րդ մասով:

Ըստ ՀՔԾ հաղորդագրության՝ Սյունիքի մարզի Գորիս համայնքի ղեկավար, «Հայաստան» դաշինքի ընտրական ցուցակի 32-րդ համարը զբաղեցնող Ա.Ա.-ն, հիշյալ դաշինքի օգտին առավելագույն քվեներ ապահովելու եւ ընտրություններում ցանկալի արդյունք արձանագրելու անձնական եւ խմբային շահերից ելնելով` նախապատրաստել է ծանր հանցագործություն, այն է` երկու եւ ավելի ընտրողի կաշառք տալը: