Իրանի ԱԳՆ-ն դարձյալ հայտարարում է Իրաքի ազգային ինքնիշխանությունը սատարելու մասին
Իրանի արտաքին գործերի նախարար Հոսեյն Ամիրաբդոլախանը Իրաքի նախագահ Բարհամ Սալիխի հետ հանդիպման ընթացքում ընդգծել է Թեհրանի կողմից Իրաքի ազգային ինքնիշխանության, անկախության եւ տարածքային ամբողջականության սատարումը, հաղորդում է IRNA-ն:
Հանդիպման ընթացքում, որը տեղի է ունեցել Բաղդադի համագործակցության եւ գործընկերության հարցերով համաժողովի ընթացքում, Սալիխը բարձր է գնահատել Իրանի պատվիրակության մասնակցությունը եւ հայտարարել, որ փաստը, որ Ամիրաբդոլախանի առաջին օտարերկրյա այցը կայացել է դեպի Իրաք, կարեւոր նշանակություն ունի: Նա նաեւ բարձր է գնահատել Իրանի աջակցությունը:
Երկու կողմերը քննարկել են տարածաշրջանային իրադարձությունները, ինչպես նաեւ տնտեսական եւ առեւտրային համագործակցությունը տարածաշրջանի պետությունների միջեւ ու տնտեսական կապերի ընդլայնումն Իրանի եւ Իրաքի միջեւ: