Իտալիայի իշխանությունները միգրանտներին կտեղավորեն մաֆիայից բռնագրաված շենքերում
Օրինական հիմունքներով Իտալիայում ապրող միգրանտներն անվճար կացարան կստանան հանցավոր կազմակերպություններից բռնագրաված շենքերում: Նման առաջարկով է հանդես եկել ՆԳՆ-ն, հայտնում է Messaggero պարբերականը: Նախարարությունում արդեն քննարկում են նման առաջարկի իրականացման տեխնիկական հնարավորությունները:
Իշխանությունները որոշել են նման միջոցառման դիմել Հռոմում ծագած աղմկահարույց սկանդալից հետո, երբ ոստիկանությունը մեկ շաբաթ առաջ մայրաքաղաքի կենտրոնում վռնդեց Տերմինի կենտրոնական կայարանի մոտ դատարկ շենքն ապօրինի գրաված միգրանտներին: Առավելապես Սոմալիից եւ Էրիթրեայից եկած մոտ 100 ընտանիքներ դեռեւս 2013 թվականին էին գրավել դատարկ շենքը, որտեղ տարրական հիգիենայի պայմանները բացակայում էին: 2015 թվականին դատարանը սա «ապօրինի օկուպացիա» էր ճանաչել եւ տեղահանելու որոշում ընդունել:
Հռոմի իշխանություններն այս կարգադրությունը սկսել են իրականացնել միայն հիմա: Միգրանտները հրաժարվել էին լքել իրենց կացարանները եւ որպես բողոքի նշան ինքնաբուխ ճամբար էին հիմնել Հռոմի կենտրոնի հրապարակում: Նրանց ցրելու փորձն ավարտվել էր ոստիկանության հետ բախումներով, որոնց ընթացքում առնվազն 13 մարդ էր տուժել:
Միջադեպից հետո Հռոմի դատախազության սկսած հետաքննությամբ պարզվել է, որ շենքում սենյակները մեկ մարդու համար գիշերը 10 եվրոյով «վարձով» էին տրվում: Ոստիկանությունը պարզում է, թե ով է փող աշխատել կացարանի նման վարձույթից:
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Մենք միանգամայն արժանիորեն դուրս եկանք հաջորդ փուլ
Ուրումչիի մշակութային ուղին. Գրանդ բազար
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Երևանի Կենտրոնում պետության սեփականության իրավունքն է վերականգնվել 51,9 քմ նկուղային տարածքի և հողամ...
Գանսուի թռչող ձին. չինական նահանգի հնագույն ժառանգություն
Մյունխենի կենտրոնում կառուցվել է փայտից պատրաստված հնգահարկ մանկապարտեզ
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Մահացել է աշխարհի չեմպիոն և «Միլանի» լեգենդ Ֆրանկո Բարեզին