Լեհաստանի և Բելառուսի սահմանին մի քանի տասնյակ անօրինական միգրանտներ են կուտակվել
Մի քանի տասնյակ անօրինական միգրանտներ արգելափակված են մնացել Լեհաստանի եւ Բելառուսի միջեւ սահմանին, Պոդլյասկոյե վոյեվոդության Ուսնաժ-Գուռնայի բնակավայրի մերձակայքում, սահմանապահները շրջապատել են անօրինական միգրանքների խմբին եւ նրանց թույլ չեն տալիս մուտք գործել երկրներից ոչ մեկը: Այդ մասին հաղորդել է ՌԻԱ Նովոստիի թղթակիցը:
Միգրանտները, որոնք անօրինականորեն փորձել են Բելառուսից անցնել Լեհաստան, նստած են հենց գետնին: Երկու կողմի սահմանապահները թույլ չեն տալիս նրանց ոչինչ փոխանցել: Օգոստոսի 19-ին իրավապաշտպաններին հաջողվել է միգրանտներին մի քիչ ուտելիք եւ ջուր փոխանցել: Լեհաստանի սահմանապահների տվյալներով, սահմանին գտնվող բոլոր միգրանտները աֆղանցիներ են:
ՌԻԱ Նովոստիի թղթակցի դիտարկմամբ, սահմանին գտնվող անօրինական միգրանտների շրջանում չկան կանայք ու երեխաներ. նրանք հիմնականում երիտասարդ տղամարդիկ են: Լեհական կողմից նրանց շրջապատել են Սահմանային պահպանության աշխատակիցները: Մյուս կողմից իրենց պահպանաջոկատն են կանգնեցրել բելառուսական ուժայինները: Երկու պահպանաջոկատների մարտիկները զինված են ավտոմատներով: Դրա հետ մեկտեղ լեհական կողմը պնդում է, որ միգրանտները գտնվում են Բելառուսի տարածքում»:
Տեղի Սահմանային պահպանության բաժնի պաշտոնական ներկայացուցիչ Կատաժինա Զդանովիչը ՌԻԱ Նովոստիի թղթակցին հայտարարել է, որ «շուրջ 30 մարդ գտնվում է բելառուսական կողմում»:
Նրա տվյալներով՝ բելառուսական իշխանությունները թույլատրել են Բելառուս վերադառնալ կանանց ու երեխաներին: Իրադրությունը Լեհաստանի եւ Բելառուսի սահմանին սրվել է վերջին ամսին: Լեհ սահմանապահների տվյալներով, միայն ընթացիկ տարվա օգոստոսին 1935 մարդ Է փորձել անօրինականորեն հատել սահմանը:
Ընդ որում սահմանապահները կանխել են 1175 մարդու կողմից սահմանը հատելու փորձերը, իսկ 760 օտարերկրացիներ ձերբակալվել եւ ուղարկվել են փակ կենտրոններ:
Վերջին ժամանակներս Լիտվան, Լատվիան եւ Լեհաստանը հայտարարում են Բելառուսի հետ սահմանի վրա ձերբակալված անօրինական միգրանտների թվի աճի մասին: Բելառուսի նախագահ Ալեքսանդր Լուկաշենկոն հայտարարել Է, որ Մինսկն այլեւս չի զսպելու ԵՄ-ի երկրներ անօրինական միգրանտների հոսքը. Արեւմուտքի պատժամիջոցների պատճառով դրա համար չկա «ո՛չ փող, ո՛չ ուժեր»:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները